#DieGrootOntbyt
ALTYD OP
SOEK NA
goud
Sy’s ’n aanbieder op Die Groot Ontbyt,
maar ook ’n suksesvolle gospelsangeres. En
Rouchelle Liedemann-Marais is kleintyd al
geleer ’n ding is swart of wit – nooit grys nie.
DEUR HAIDEE MULLER
D
10
is pure opregtheid wat
Rouchelle Liedemann-Marais
uitstraal: Jy voel dadelik die
goue aura aan. Die 39-jarige
gospelsangeres-cum-radio-omroeper
is hartlik en borrelend, altyd ordent
lik – seker oor daar in haar kinderjare
g’n kat se kans was vir tienerstreke nie.
Haar ma, Elizabeth – of Antie Lizzy,
soos sy alombekend staan – was streng
se baas. “Sy’t geglo aan goedgemanierde
kinders wat jou in die oë kyk as hulle
groet. Ek leer my kinders dieselfde,” vertel
Rouchelle in haar huis in Durbanville
noord van Kaapstad.
“Daar was núl grys areas. Dit was óf
swart óf wit. Klaar. Ek het byvoorbeeld
nog nooit aan ’n sigaret geraak nie, want
ek wou haar nooit teleurstel nie.”
Haar ma het haar wel nooit voorgesê
nie, sê Rouchelle, maar sy het gewéét: Dit
bly maar die veiligste om katvoet te loop.
“My ma was ’n kreatiewe tuisma. Sy’t
uitgeblink in bak en troudekor. Almal het
antie Lizzy se gebak geken.”
Haar pa, Ronald, ’n skrynwerker,
beskryf sy as ’n doener en nie ’n prater
nie. “Ek wou altyd ’n man soos hy hê.
’n Gent.”
Sy en haar suster, Liezel Kiweme (35),
het baie beskermd grootgeword. Kerk
meisies. “My ma het ons geleer van
nederigheid, om te onthou waar jy
vandaan kom.” Sy lag. “En sy raak vies
as mense na haar verwys as Rouchelle
se ma, hoor! Sy is Elizabeth.”
kykNET | AUGUSTUS 2017
Nog ’n rolmodel vir Rouchelle is haar
ouma Stella Liedemann (89), wat met
aggressiewe pankreaskanker gediagno
seer is. “Selfs nou in haar siekbed is sy so
’n inspirasie. Sy’s so moedig. Haar hart so
groot. Ek weet ek is kosbaar vir haar, nes
sy vir my is. ‘Soek die goud in die lewe en
jy sal dit vind’ – dís wat sy my geleer het.
En sy lag altyd so lekker. Mamma sien
altyd die snaaks in alles en kon altyd baie
uitrig met min tot haar beskikking.”
Rouchelle is getroud met Jamie Marais,
’n korporatiewe bestuurder, en hulle drie
kinders, Cayla (14), Liam (12) en Samuel
(7), word ook streng grootgemaak. “Hulle
weet: Agtuur saans is dit tyd om bed toe
te gaan, hoewel ek naweke ’n bietjie skiet
gee. Ek het vir hulle verduidelik Mamma
en Pappa moet ook tyd saam deurbring,
want as hulle drie eendag uit die huis
gaan, moet ons nie vreemdelinge vir
mekaar wees nie.”
Rouchelle het op 12 al in die kerk begin
musiekmanne. “Jamie was lid van ons
kerk se orkes!”
Haar oë blink as sy oor dié lenige sport
man van haar praat. Hy’s ’n aantreklike
man wat deeltyds modelwerk doen en al
dikwels in TV-advertensies en tydskrifte
verskyn het.
“Dit het my ouers ’n rukkie geneem
om gewoond te raak aan die blonde
man (soos hy toe gelyk het). Ek is op 22
getroud en op ons troudag sê my pa toe
vir Jamie: ‘I give you my blessing.’ ”
Die Marais’s is besige bye wat dol is
oor die buitelewe. “Jamie pak graag uit
dagings aan, en soggens om halfses draf
hy al. In 2016 het hy Tafelberg 22 keer
binne 24 uur uitgehardloop.”
Hy is haar rots. “Eintlik het Jamie
my geleer om op te staan vir dít waarin
ek glo.”
Haar radioloopbaan was vir haar
’n aangename verrassing, sê Rouchelle. Sy
het eers ná skool as sekretaresse by hulle
‘Sy glimlag breed. “Ek dink as iemand goed is vir
jou, word julle saam ouer soos goeie rooiwyn.” ’
Vir meer
inligting gaa n
na kyknet.tv
sing, maar daar was nie geld om musiek
te gaan swot nie. Tot ’n weldoener haar
talent raakgesien het. “ ’n Juffrou het my
hoor sing en my na Riana van Wyk se
musiekskool gestuur.”
Hier het sy haar liefde vir Afrikaans
ontdek. “Ek glo ’n mens moet die taal rég
praat. Ek praat nie soos ’n tipiese Kape
naar nie, al is ek een. Ek het Riana gevra
om my reg te leer praat, want dis hoe ek
dit wil sing.”
Sy het skoonskip gemaak in ’n rits sang
kompetisies, waaronder die Tehila- nasio
nale sangkompetisie, Reik na die Sterre en
Gemini se kompetisies. “Ek moet eers die
prentjie van ’n lied verstaan voordat ek dit
uit my hart kan sing.”
Die hele gesin is musikaal. Cayla sing
ook in die koor, hoewel sangkompetisies
vir eers taboe is. “Sy moet nog kind wees.
Die lewe gaan oor baie meer as sing. Ek
dink sy gaan ’n joernalis word, want sy
kan haarself baie goed uit ’n ding uit
praat.” Liam is mal daaroor om kitaar
en klavier te speel, en, sê Rouchelle, die
jongste, Samuel, en Jamie is ook al twee
kerk, Die Lighuis, gewerk en tussendeur
gesing. “Een jaar het ek by die KKNK
gesing en iemand by Radio Tygerberg het
my raakgesien. Hulle het my vir ’n stem
toets genooi en daar kry ek toe ’n werk as
’n omroeper.”
Ná 13 jaar by Radio Tygerberg het sy
drie jaar gelede by Groot FM, die brein
kind van Hardus Zevenster, ingeval. “Hy
het die idee in die VSA gesien en gedink
dis briljant dat radio en TV gelyktydig uit
gesaai kan word. Toe probeer hy dit hier...
en die res is geskiedenis.
“Ek was eers skrikkerig vir die radio
ding, maar het baie geleer. My oupa
Christopher Liedemann, wat geboer het
by Haarlem in die Langkloof, het ons des
tyds al lief gemaak vir radio.”
Vandag is sy ’n sterk vrou, nes haar ma
en ouma.
“Ek soek altyd na die goud, nes ek
geleer is. En kyk, ek is deur baie dinge:
Daar was nageboortedepressie waarvoor
ek antidepressante moes gebruik, en in
2010 is ons gesin deur ’n finansiële krisis.
Maar ons is daardeur. Ja, dit plaas druk op
Daar vir mekaar Rouchelle en haar man, Jamie
Marais, by hulle kinders, Jamie (links), Cayla (regs)
en klein Samuel in die middel voor sy pa.
enige huwelik, maar ons het net van krag
tot krag gegaan. Ek glo my innerlike krag
kom van God af.”
Sy’t ook geleer om haar kop skoon te
draf. “Dit het gehelp om van al daai nega
tiwiteit ontslae te raak. Dit help ook dat
ek en Jamie goeie vriende is – dis hoe ons
verhouding begin het. Hy sê nou die dag
vir my: ‘Dis sewentien jaar later en vir my
is jy nog mooier as die eerste dag. Defini
tief meer sexy ook.’ ”
Sy glimlag breed. “Ek dink as iemand
goed is vir jou, word julle saam ouer soos
goeie rooiwyn.”
NOU GENIET SY haar lewenspas. En
daar wag ’n nuwe gospelalbum, haar
vyfde, een met “ ’n anderste gevoel”, sê sy.
“Dit weerspieël wie ek is. Ek en Jamie
skryf die meeste van my liedjies – hy is
’n regte digter.” Sy glimlag. “Ek dink veral
aan die liedjie ‘Nuwe Begin’ op ’n vorige
album. Dit was ons swaarkryjaar. Toe sê
ek vir Jamie: ‘Kom ons skryf ’n liedjie oor
’n nuwe begin.’
“Die woorde is só mooi... Die winter is
verby, die sneeu op die berge verdwyn, die
son is weer sigbaar vir my. Dit lyk my die
lente verskyn in my.”
Die Groot Ontbyt Weeksoggende om 06:00 op kykNET, kanaal 144
AUGUSTUS 2017 | kykNET
11