Ktieb Festa 2020, Każin Banda San Pawl Safi Ktieb 2020, Safi, Malta

Każin Banda San Pawl, Safi Festa 2020 Bandalori kollha lwien… u pavaljuni! Fil-jiem tal-festa tas-sena l-oħra wieħed seta’ jammira aktar mis-soltu d-drappijiet tal-festa fejn sar sforz kbir biex dawn jitwaħħlu fit-toroq kollha fejn hemm armar bħal dan. Grazzi lil tal-Armar u ż-Żgħażagħ li jkunu fuq ta’ quddiem biex dawn isiru, kif ukoll ir-residenti tattoroq li joħorġu jagħtu l-għajnuna. Mill-Arkivji Nazzjonali L-artal tal-Kappella tal-isptar Santu Spirtu meta kien jintuża bħala sptar, illum is-sede tal-Arkivji Nazzjonali fir-Rabat (Malta). Hemm evidenza li tal-anqas fl-1496 kien hawn kappella li kienet imbierka f’dik is-sena. Nafu li fl-1544, kienet tintuża bħala dormitorju. Maż-żmien saru għadd ta’ bidliet u lapida tfakkar il-bini tal-kappella ta’ llum fl-1688. Il-pittura tal-altar hija ta’ Manuel Perreira (c 1693) u turi l-inkurunazzjoni tal-Madonna, San Pawl u l-Granmastru Gregorio Carafa. Fuq ix-xellug hemm San Ġwann il-Battista, il-protettur tal-Ordni. Ħajr: Leonard Callus, Arkivji Nazzjonali Skultura ta’ San Pawl Joseph Micallef huwa skultur żagħżugħ li bil-mod qed jagħmel isem għalih innifsu bħala artist, disinjatur u skultur. Bosta huma l-opri sbieħ relatati mal-arti sagra u mal-festi Maltin. Matul is-sensiela Malti Pur li dehret fuq TVM matul l-istaġun li għadda, Joseph Micallef jidher jiskolpixxi statwa mill-isbaħ ta’ San Pawl. Il-kurżità wasslitna biex insiru nafu li din l-istatwa kienet għas-Sur William Grech (Ta’ Anġierka) mir-raħal tagħna, allura kien xieraq li nkellmuhom it-tnejn dwar din l-esperjenza. Is-Sur Grech għaddielna xi ritratti ta’ din l-istatwa li kkommissjonaha hu, u minn jgħaddi minn Triq San Ġorġ jista’ jammira u japprezza l-ġmiel ta’ din l-iskultura. Ritratti: William Grech L-artal tal-kappella ta’ Santu Spirtu (Ritratt: Arkivji Nazzjonali ta’ Malta) 83

Ktieb Festa 2020, Każin Banda San Pawl Safi Ktieb 2020, Safi, Malta | Page 85