Ktieb Festa 2020, Każin Banda San Pawl Safi Ktieb 2020, Safi, Malta

Każin Banda San Pawl, Safi Festa 2020 L-Imrewħa l-ġdida Redeemer Barber Kien wara l-festa tal-2018, hekk xħin iddaħħal l-armar f’postu u kollox kien intrefa’ għas-sena ta’ wara, li f’moħħna beda jberren xi proġett ġdid u ewlieni li stajna nagħmlu għas-sena li ġejja. Ħsiebna mar fuq l-imrewħa, xi ħaġa li kienet saret qrib il-millenju l-ġdid, u li llum, nofs ir-raħal, speċjalment dawk żgħar ftit li xejn jiftakruha. La qed insemmi l-imrewħa l-antika, ta’ min isemmi li dik kellha pittura xogħol l-artist Ninu Apap u li filpreżent tista’ titgawda f’waħda mis-swali tal-Każin Banda San Pawl. Għall-proġett il-ġdid, intuża l-qafas tal-ħadid li diġà kien jeżisti. Fis-17 ta’ Frar 2019, avviċinajna liż-żagħżugħ Pawlin Alan Xerri biex joħroġ b’disinn oriġinali u li jmur malħsieb tagħna. F’temp ta’ ġimgħa kien hemm disinn inizjali, bdew jittieħdu l-qisien, u bdejna nfittxu stimi għad-drapp. Id-disinn finali ntgħoġob u minn hemm beda l-grandiment. Inxtraw mat-tmien pezez drapp. F’Ġunju bdiet il-ħjata, xogħol li sar b’sengħa kbira mill-ħajjata tagħna s-Sinjura Tessi Magri li flimkien ma’ bintha Maryanne, u b’paċenzja kbira, fasslu kobor ta’ drapp mhux ħażin. Fuq parir tad-disinjatur, ġie kkummissjonat is-Sur Kurt Friggieri, li fil-preżent huwa mfittex ħafna għax-xogħol tiegħu ta’ pittura b’mod partikulari fuq dan l-istil. Filfatt ħriġt bl-idea li jsiru tliet pitturi. L-ikbar fosthom turi l-qaddis tagħna San Pawl dieħel il-ġenna akkumpanjat mill-anġli wara li miet martri. Fuq ix-xellug naraw anġlu ieħor iħaddan miegħu s-sede tal-Każin Banda San Pawl, li jissimbolizza l-anniversarji sinjifikanti tas-sena 2019, id-90 sena Soċjetà u 30 sena banda. Fuq il-lemin anġlu ieħor qed iħaddan miegħu l-Knisja Parrokkjali tagħna, hekk kif fis-sena 2019 fakkarna l-175 sena mill-wasla tal-vara titulari. Fl-għalqa ta’ wara ċ-ċimiterju ntrama l-ħadid li kellu jintuża u dan inżebagħ mill-ġdid. Saru tibdiliet meħtieġa bħal ngħidu aħna twaħħal winch u tbiddlet is-sistema tal-funzjoni. Sar ukoll arblu ġdid biex l-imrewħa teħel miegħu b’mod pulit u bl-inqas ostaklu. Tqabbad is- Sur Twanny Zammit minn Ħal Qormi biex jaħdem ilmaskerun fuq disinn ta’ Alan Xerri. Dan il-maskerun ingħata x-xelak biex jieħu kulur dehbi. Matul l-aħħar ġimgħat, fil-bidu tal-ġimgħa tal-festa, Alan Xerri ħadem lejl u nhar fiċ-Ċentru Parrokkjali, assistit min-nies qalbiena, fejn waqt li l-banda kienet qed tħejji għall-kunċert, fl-istess post, f’kamra fuq ġewwa, Alan kien mehdi bix-xogħol ta’ sfumar. Fejn hemm l-għaqda hemm is-saħħa. Nhar l-aħħar tridu, mat-tokki tal-5:30am, bdiet tintrama l-imrewħa f’postha, fil-pjazza. Kien mument emozzjonali għallaħħar, hekk kif rajnieha armata, tikkumplimenta l-pjazza ewlenija u l-armar ieħor sabiħ li kien hemm. Kemm kienet isbaħ matul dak il-lejl xħin infetħet għall-ewwel darba quddiem il-pubbliku li nġabar biex jaraha. Xi ġmiel, dak l-għajjat u ċapċip u l-ferħ tan-nies. Din il-ħidma saret bis-saħħa ta’ ħafna dilettanti u individwi voluntiera li taw sehemhom, is-Sur Kurt Debono u s-Sur Justin Mallia li mexxew dan il-proġett bl-għajnuna ta’ oħrajn. Grazzi lis-Sinjura Tessi Magri li flimkien ma’ żewġha u bintha ħadu ħsieb il-ħjata. Grazzi tmur lill-impenn tad-disinjatur u sfumatur Alan Xerri, lil Kurt Friggieri tal-pittura u lil Twanny Zammit taxxogħol tal-metal. Grazzi wkoll lil missieri Paul, li dejjem insibu ta’ għajnuna. Inħarsu ’l quddiem biex fis-snin li ġejjin naqsmu magħkom aktar sorpriżi. Din is-sena ngawdu kif nistgħu la ġiet hekk; kollox jibqa’ merfugħ għas-sena d-dieħla… X’rigal dak li Alla tana meta bagħtek fuq din l-art, Sraqt il-qlub tal-Maltin kollha u l-Vanġelu dlonk xandart. 49

Ktieb Festa 2020, Każin Banda San Pawl Safi Ktieb 2020, Safi, Malta | Page 51