Ktieb Festa 2020, Każin Banda San Pawl Safi Ktieb 2020, Safi, Malta | Page 11

Każin Banda San Pawl, Safi Festa 2020
Messaġġ tal-President
Pawlu Busuttil
Din is-sena, minħabba ċ-ċirkustanzi
li l-imxija tal-coronavirus ġabet fid-dinja
kollha, naqqasna ftit mir-ritmu tax-xogħol
li konna mdorrijin nagħmlu fis-snin
ta’ qabel, bħal pereżempju ma stajniex
nagħmlu attivitajiet ta’ ġbir ta’ fondi bħal
coffee mornings jew ikliet. Il-każin kellu
jagħlaq għal xahrejn u nofs sħaħ, u dan
kollu rriżulta fi tnaqqis ta’ ġbir ta’ fondi.
B’hekk irrid nirringrazzja lill-Għaqda
Każini tal-Banda, li fost ħafna xogħol li
jagħmlu għal każini bħal tagħna, ħadmu
biex il-Gvern jalloka s-somma ta’ €2,200
lil kull każin tal-banda biex jagħmlu tajjeb għal dan ittelf.
Fost ix-xogħol li s-Soċjetà tagħmel, din is-sena tlestiet
is-sala ta’ fuq tas-sede tagħna b’fondi miksuba għal
Malta mill-Unjoni Ewropea, mir-Rural Development
Programme 2014-2020. Dan ix-xogħol kien jinkorpora
sistema ta’ dawl u sound ġdid, kisi u żebgħa, taraġ talgranit
u railings tat-taraġ.
Matul il-pandemija ma kienx permess li jsiru festi,
però wara li s-sitwazzjoni bdiet titranġa għall-bidu ta’
Lulju, l-awtoritajiet ħarġu l-permessi biex dawn isiru, u
minnufih il-kumitat iltaqa’ biex jiġi diskuss u deċiż dak
illi seta’ jsir. U l-festa xorta waħda se ssir, avolja limitata.
Wieħed irid jistenna u jara kif jiżvolġu
l-affarijiet sa dakinhar. L-ispejjeż kurrenti
jibqgħu, bħal dawk marbuta mal-proprjetà
u anke x-xogħol tal-planċier, dak baqa’
għaddej. B’hekk nappellalkom biex tkunu
ġenerużi bħas-soltu, għaliex festa oħra
tasal u l-ħidma tibqa’ għaddejja.
Bħala kumitat nixtiequ nirringrazzjaw
lill-Kappillan, il-Kan. Dun David
Farrugia, lis-Sindku, is-Sur Johan Mula
u l-Kunsillieri kollha, lis-Sur Terrence
Camilleri ta’ GalXlokk u lill-Avukat Noel
Camilleri, il-President tal-Għaqda Każini
tal-Banda, lis-Surmast Mro Michael Bugelli, lill-Ass.
Surmast is-Sur Charles Wallace Suda u lill-Konsulent
tal-Banda s-Sur Saviour Spiteri. Ringrazzjamenti jmorru
lejn is-sottokumitati tagħna, dawk tan-nisa, l-armar, innar
u ż-żgħażagħ li jagħmlu xogħol matul is-sena kollha
u lil dawk kollha li jgħinu finanzjarjament.
Nirringrazzja lil sħabi tal-kumitat tax-xogħol li
jagħmlu, speċjalment fil-jiem tal-festa, biex b’hekk, blgħajnuna
ta’ kulħadd nagħmlu festa kif tabilħaqq jixraq
lill-Kbir Appostlu Missierna San Pawl, patrun tal-Ħal
Safin u l-Maltin kollha.
Viva San Pawl
Agħti l-Kontribut tiegħek
biex inkunu nistgħu
nkabbru aktar il-festa
f’ġieħ il-Patrun tagħna
San Pawl
9