Ktieb Festa 2019, Każin Banda San Pawl Safi Ktieb Festa 2019, Każin Banda San Pawl Safi

Festa 2019 Każin Banda San Pawl, Safi Kuraġġ u Ħeġġa Grace D’Amato Superjura tal-Museum Bniet Qegħdin niftakru fil-konverżjoni ta’ San Pawl Missierna. Ħaġa bħal din tagħmlilna ħafna ġid għax naraw l-umanità tal- qaddisin. Dawn kienu bnedmin bħalna, uħud minnhom bid-dnubiet tagħhom ukoll. Il-konverżjoni vera tħalli s-sinjali tagħha fl-imġiba tal-bniedem, u hekk ġara f’Pawlu. Dan il-bniedem, li kien qed ifittex il-qerda tal-Insara, hekk kif għaraf lil Kristu nbidel bħal-lejl min-nhar, u ħajtu saret tfisser ħidma bla waqfien biex iwassal lil Ġesù fil-qlub tal-bnedmin. Tagħrif fuq San Pawl Il-Knisja tiċċelebra l-konverżjoni ta’ San Pawl minħabba n-natura straordinarja tagħha. San Pawl kien Lhudi, ta’ ċittadinanza Rumana, edukat f’Ġerusalemm, u trabba bħala Fariżew akkanit ħafna, anzi fanatiku għal-Liġi ta’ Mosè. Hekk sar għadu mill- kbar u persekutur aħrax tal-Knisja Nisranija li kienet għadha fil-bidu tagħha. Saħansitra akkwista l-awtorità mingħand il-mexxejja tal-Lhud biex ikun jista’ jarresta lill-Insara fl-ibliet u fl-irħula u jeħodhom Ġerusalemm biex jgħaddu ġuri. Nafu li kien preżenti fil-martirju ta’ San Stiefnu. Meta bejn is-sena 34 u 36, kien sejjer Damasku, biex jippersegwita lill-Insara, Ġesù stess ikkonvertieh u wrieh biċ-ċar li l-persekuzzjoni li kien qed jagħmel lill-Insara, kien qed jagħmilha lilu. “Sawl, Sawl, għaliex qiegħed tippersegwitani?” Qallu, “Min int, ja Sidi?” Wieġbu, “Jien hu Ġesù, li int qiegħed tippersegwitah…” Din il- ġrajja nsibuha mniżżla fl-Atti tal-Appostli (9:3-27; 22:6- 16; 26:13-18); u San Pawl jagħmel riferenza għaliha f’xi ittri (1Korintin 15:9-10; Galatin 1:13-16; Efesin 3:6-7). Il-laqgħa straordinarja tiegħu ma’ Ġesù mhux biss biddlet ħajtu, u minn persekutur qalil, għamlitu wieħed mill-ikbar difensuri, għalliema u qaddisin tal-Knisja Nisranija, iżda kellha effett drammatiku fuq l-istess Knisja. Wara l-konverżjoni tiegħu, li ġrat għall-ħabta tas-sena 35 A.D., San Pawl għadda aktar minn tliet snin fid-deżert tal-Arabja jħejji ruħu għall-missjoni li għażillu Ġesù. Hawn hu kellu diversi rivelazzjonijiet li fihom hu fehem tajjeb ħafna li Ġesù ta’ Nazaret kien ħaj u li kull ħaġa fis- sema u fl-art kellha l-milja tagħha fih. San Pawl fl-ittri tiegħu jsemmi l-konverżjoni tiegħu fit-triq ta’ Damasku u jattribwiha lill-imħabba ta’ Alla lejh, u jgħid li min-naħa tiegħu laqa’ l-grazzja li tah Alla u jgħid li din il-grazzja ma kinitx għalxejn fih. Hu 76 pprova jfassal ħajtu kollha fuq dik ta’ Ġesù u ħadem għal Ġesù kemm felaħ biex jarah magħruf u maħbub minn kulħadd, sa wasal biex qal, “Ngħix mhux jien, imma Kristu jgħix fija.” U Jiena? Faċli niefqu biss fuq il-konverżjoni ta’ San Pawl, u ma nistaqsux kif din tista’ twassal messaġġ lili llum! San Pawl għamel l-esperjenza qawwija tal-grazzja ta’ Alla, li sejħitlu biex, minn persekutur isir appostlu ta’ Kristu. Il-grazzja ta’ Alla wasslet lilu wkoll biex ifittex il-komunjoni mal-Insara l-oħra, minnufih, l-ewwel f’Damasku u mbagħad Ġerusalemm (ara Atti 9:19,26-27). Din għandha tkun l-esperjenza tagħna tal- fidi. Irridu nħallu lil Alla jkellimna biex, naqra naqra, nikbru fil-ħajja spiritwali. Aktar kemm nikbru fil-ħajja spiritwali mbagħad, nifhmu dejjem iżjed li l-grazzja rridu naqsmuha mal-oħrajn.” Aħna msejħin biex inkunu xhieda ta’ Ġesù, u ma nibżgħux nuru li aħna Nsara bil-mod kif ngħixu, kif nitkellmu, kif inġibu ruħna, bid-deċiżjonijiet li nieħdu… hekk trid tkun xhud. U m’hemmx għalfejn ikollna ċ-ċarċir tad-demm biex inkunu xhieda. Pawlu mhux biss xhud għax ra lil Ġesù, iltaqa’ miegħu fit-triq ta’ Damasku, imma wkoll appostlu mibgħut. Aħna wkoll mibgħuta fl- ambjenti differenti tal-ħajja u skont il-vokazzjoni tagħna, biex inwasslu l-bxara t-tajba tal-Mulej. Il‑Papa Franġisku Il-Papa Franġisku, fl-eżortazzjoni Appostolika Gaudete et Exsultate (Ifirħu u Thennew), jgħid li l-qdusija hi mimlija b’xewqa kuraġġuża li nevanġelizzaw u nagħmlu differenza fid-dinja tal-lum. Jispjega l-kelma parrhesia, mill-Grieg, li tfisser il-kuraġġ u l-ħeġġa fix- 90 Sena Soċjetà 1929-2019 30 Sena Banda 1989-2019 175 Sena Statwa Titulari 1844-2019

Ktieb Festa 2019, Każin Banda San Pawl Safi Ktieb Festa 2019, Każin Banda San Pawl Safi | Page 78