Ktieb Festa 2019, Każin Banda San Pawl Safi Ktieb Festa 2019, Każin Banda San Pawl Safi

Każin Banda San Pawl, Safi Festa 2019 Inkomplu nibnu fuq il‑passi ta’ Missierna San Pawl! Jonathan Brincat Superjur Museum Subien Il-Museum fil-Parroċċa hu barka minn Alla b’mod speċjali għall-parruċċani! Mhux kullimkien issib id-djar tal-Museum, inkluż postijiet f’Malta. Ħal Safi għad għandu din il-grazzja li l-Museum għadu ħaj u fih jilqa’ kuljum tfal u żgħażagħ biex jiffurmaw ruħhom fil-prinċipji u l-valuri Nsara li jissarrfu fil-ħajja tagħhom, fl- għażliet u l-mumenti ta’ deċiżjonijiet li jkollhom jieħdu matul il-ħajja. San Ġorġ Preca bl-umiltà kollha kien jgħid li l-fundatur tas-soċjetà tal-Museum hu Missierna San Pawl għalkemm kulħadd jaf li Dun Ġorġ kien li beda l-Museum. Kellu devozzjoni kbira lejn dan il-qaddis u ried li l-membri jkunu midħla tal-ħajja u l-kitbiet tiegħu b’mod speċjali tas-sentenzi qawwija u profondi li kien jikteb u jgħid. Infatti, kemm fil-25 ta’ Jannar, fit-tifkira liturġika tal-konverżjoni u kif ukoll fl-10 ta Frar, in- nawfraġju, San Ġorġ Preca kitbilna żewġ programmi sbieħ u li fihom nieqfu u nixtarru minn xiex għadda dan il-qaddis kbir għall-imħabba u l-ġenn li kellu għal Sidna Ġesù Kristu. San Ġorġ Preca ried li nimitaw lil Missierna San Pawl b’mod speċjali fil-predikazzjoni mingħajr biża’ kontra l-kurrenti ta’ madwarna! San Ġorġ Preca kien spiss itenni li ħadd ma jagħti minn dak li m’għandux. Għalhekk waqqaf soċjetà fuq pedament sod, fuq Kristu u l-valuri tiegħu. Qed ngħixu f’ħajja wisq mgħaġġla u sofistikata, fejn kollox kemm tagħfas buttuna jew tmiss sempliċiment screen! U dan jista’ jaljenana u jitfagħna mexjin b’rasna mgħaddsa ’l isfel fejn moħħna jkun kontinwament medhi f’affarijiet li fil-verità mhumiex essenzjali għalina! Bil-konsegwenza li nżommu l-kuntatt ta’ subgħajna u għajnejna fissi mal-iscreen u għall-kuntrarju l-ebda kuntatt tanġibbli u reali ma’ min hu l-iktar fil-qrib tagħna u li għandu bżonna. Aħna konvinti li l-ġenituri jixtiequ l-aqwa ġid lil uliedhom u li lesti li jinvestu għall-ġid ta’ wliedhom. Għiduli ftit x’ġid akbar hemm milli l-ulied jitilgħu nies ta’ valuri tajbin. Ħafna mill-problemi li qed jiffaċċjaw ruħhom magħhom iż-żgħażagħ tal-lum huma marbutin ma’ kriżi ta’ valuri. U proprju dan huwa l-għan tas-soċjetà tal- Museum, li naħdmu id f’id mal-ġenituri/ nanniet, sabiex l-ulied li għada pitgħada jkunu l-ommijiet u l-missirjiet, ikunu kapaċi jħabbtu wiċċhom mal-isfidi li toffri l-ħajja tal-lum. Santu Wistin, wara li kien jaf x’joffri Alla u x’joffru l-valuri ta’ dinja mingħajr Alla, niseġ talba lil Alla, “Inti ħlaqtna għalik, o Alla, u qalbna ma ssibx mistrieħ jekk mhux fik.” Int li qed taqra dan l-artiklu temminha xejn din l-istqarrija? San Ġorġ Preca kien jgħallem u jipprietka u kulħadd kien jibqa’ ssummat iħares lejh u jixtarr bir-reqqa kull kelma li kienet toħroġ minn fommu. Kien bniedem t’Alla. Kien jinħass li hu qaddis! Kien iħobb isemmi diversi sentenzi li xtaq li jkunu ripetuti diversi drabi matul il- ġurnata. Dawn insejħulhom ġakolatorji. Biex nagħti xi ftit eżempji: “Sinjur Alla, jien għandi bżonnok.” “Jekk trid tagħti xi ħaġa lil Alla, ibgħathielu mal- proxxmu.” “Grazzi, Sinjur Alla u aħfirli, Sinjur Alla.” Fil-laqgħat tiegħu kien kontinwament jitkellem fuq Alla. Kien bniedem t’Alla u allura din kienet magħġuna sew fih. Mistoqsija li kien iħobb jibni fuqha d-diskorsi tiegħu mat-tfal kienet din: “X’inhu jagħmel bħalissa Alla? Alla bħalissa qiegħed iħobb!” Temminha xejn int din? Tfal tal‑Mużew waqt ħarġa l‑Belt Valletta Min huma l‑Membri tal‑Museum? Is-soċji tal-Museum huma nies li għandhom vokazzjoni partikulari. Huma msejħin minn Alla biex jingħataw kollhom kemm huma lilu u bħala riżultat ta’ hekk, iħabirku biex ħaddieħor ukoll jingħata lil Alla. Dak huwa l-ogħla u l-aqwa ideal li jista’ jilħaq il-bniedem. Meta ngħidu li t-tfal u ż-żgħażagħ tal-parroċċa jattendu l-Museum inkunu qed nifhmu aktar minn sempliċiment li tingħata informazzjoni dwar temi reliġjużi. Kieku kien ikun biżżejjed li wieħed isib xi żewġ kotba tajbin u jaqrahom. Fil-Museum it-tfal u ż-żgħażagħ jingħataw katekeżi, jew aħjar, formazzjoni fil-fidi, li tgħinhom jibnu ħajjithom fuq valuri sodi. 90 Sena Soċjetà 1929-2019 30 Sena Banda 1989-2019 175 Sena Statwa Titulari 1844-2019 71

Ktieb Festa 2019, Każin Banda San Pawl Safi Ktieb Festa 2019, Każin Banda San Pawl Safi | Page 73