Ktieb Festa 2019, Każin Banda San Pawl Safi Ktieb Festa 2019, Każin Banda San Pawl Safi | Page 45

Każin Banda San Pawl, Safi
Festa 2019
Nieħdu interess fil‑banda tagħna
Mro Michael Bugelli A.T.C.L.
Surmast
Ix-xahar ta’ Awwissu jġib miegħu bosta
festi u kif tgħaddi Santa Marija, il-ħarsa
tagħna tintefa’ fuq il-festa ta’ San Pawl ta’
Ħal Safi. Issa ili ftit mhux ħażin surmast
tal-Banda San Pawl ta’ Ħal Safi. Iż-
żmien igerbeb malajr. Inħares lura u nara
ħafna sodisfazzjonijiet ma’ din il-banda.
Nimmeravilja ruħi kif raħal żgħir bħal dan
għandu qalb daqshekk kbira, imħabba li
tħeġġeġ nar għal San Pawl. Dan bla dubju
ta’ xejn huwa preġju tal-poplu ta’ Ħal Safi.
Is-sodisfazzjon tiegħi ma’ din il-banda narah fin-numru
ta’ allievi u bandisti li rnexxieli noħroġ matul is-snin u
d-diversi programmi u akkademji li għamilna kemm fil-
festa kif ukoll f’anniversarji importanti matul is-snin.
Ix-xogħol tiegħi huwa li nagħti rendikont u nagħmel
riflessjoni fuq il-banda u l-mużika. Dan nagħmlu
b’obbligu u kif jistipula l-istatut ta’ din is-Soċjetà. Lejn
l-aħħar tas-snin tmenin din l-għaqda daħlet għal impenn
serju, dak li minn circolo ssir banda mużikali. Ħafna
jaħsbu li din hija deċiżjoni sempliċi minn dawk bħall-
oħrajn. Fil-verità meta wieħed jidħol biex iwaqqaf banda
ġdida jkun dieħel għal impenn diffiċli, proġett kbir li
m’għandu l-ebda final imma li jiżviluppa ruħu sakemm
il-banda tilħaq livell għoli tassew, u kif nafu, tajjeb kemm
ikun tajjeb, qatt mhu biżżejjed. Qatt ma tista’ tgħid li
lħaqt is-sema b’idek.
Aħna f’Malta, qed naffaċċaw problemi kbar
f’dan is-settur. Il-baned ma tistax tgħid li għadhom
bħalma kienu darba. In-numru tal-allievi qed jonqos u
l-interess inġenerali fil-banda mhuwiex jiżdied. Illum
in-nies għandha ħafna affarijiet fuq xiex tedha. Ma nafx
onestament kemm il-mużika tal-banda għadha ta’ interess
għan-nies. Naf li forsi qed inkun pessimist imma dik hija
l-impressjoni li qed nieħu. Il-banda għadha tagħmel sens
għan-nies?
U f’każ li hemm dan l-apprezzament lejn il-banda, sa
liema livell hija apprezzata? Biex naqbżu fil-briju biss?
Aħna f’Ħal Safi nagħmlu programm mużikali sabiħ u
nistqarr magħkom li nieħu pjaċir immens
meta nara attendenza tajba. Nixtieq li
l-poplu ta’ Ħal Safi jmur oltre minn hekk u
jibda jressaq lil uliedu aktar għat-tagħlim
tal-mużika.
Nixtieq nara ġenituri jieħdu aktar
interess fil-kultura tagħna u jqarrbuhom
lejn is-Soċjetà tagħna, forsi anke b’hekk
jiltaqgħu miegħi u nitkellmu dwar il-
possibbiltajiet ta’ tagħlim li jeżisti. Nixtieq
ukoll indawwal lin-nies fit-tmexxija
tal-għaqda tagħna biex jagħmlu prijoritajiet favur il-
banda u l-mużika. X’jiġi l-ewwel, il-briju jew il-banda?
CD tal-kant jew tal-marċi proprja? L-għażla mhijiex
f’idejja. Kull deċiżjoni li tittieħed tirrifletti u tinfluwenza
l-progress tal-banda.
Bħalissa fil-baned hawn ċerta kriżi f’kull qasam. Qed
nindunaw li ċerti għaqdiet issa għandhom il-problema
tal-kera tal-każin li qed tinfluwenzahom ħafna. Il-banda
per se saret problema oħra kbira kullimkien. Jiġifieri fir-
realtà, il-baned qed jesperjenzaw traġedja ġo traġedja u fi
traġedji bħal dawn kapaċi nissagrifikaw il-banda l-ewwel.
Irridu noqogħdu attenti però għax meta l-livell tal-banda
u tal-mużika jaqa’ ’l isfel mhux lakemm ittellgħu ’l
fuq sparat. Il-messaġġ li qed nipprova nwassal huwa li
nħeġġeġ lin-nies japprezzaw dak li hu ġenwin u artistiku
u li għadu mhux imniġġes mill-egoiżmu tal-bniedem.
Għax meta jidħol l-egoiżmu u jidħlu l-flus, l-ebda opra
artistika ma tibqa’ li hi. Ejjew nieħdu pjaċir bil-banda kif
suppost nagħmlu ġenwinament.
Nagħlaq dan il-messaġġ billi nħeġġeġ lin-nies jiġu
mal-banda kull fejn tmur iddoqq. Ejjew u imxu mal-
banda ħalli tisimgħu l-marċi sbieħ li għandna. Ejjew
għall-programm tal-festa li se jkun programm sabiħ
immens b’diversi solisti, anke b’solisti tal-banda tagħna
stess. Ejjew nieħdu interess fil-mużika u fil-progress tal-
banda tagħna. Nirringrazzja lil kulħadd u nawgura l-festa
tajba lill-Ħal Safin kollha.
90 Sena Soċjetà 1929-2019
30 Sena Banda 1989-2019
175 Sena Statwa Titulari 1844-2019
43