Ktieb Festa 2019, Każin Banda San Pawl Safi Ktieb Festa 2019, Każin Banda San Pawl Safi

Każin Banda San Pawl, Safi Festa 2019 Jikteb il‑Licensee Aaron Zammit Reġgħet waslet festa oħra. Din is-sena qed niċċelebraw il-175 sena mill-wasla tal- vara artistika ta’ Missierna l-Kbir San Pawl fir-raħal tagħna Ħal Safi. Min jaf kemm ferħu missirijietna f’dawk iż-żminijiet meta raw il-ħolma tagħhom issir realtà fil- knisja tagħna! Għaldaqstant aħna, il-ftit nies li qegħdin fil-post tan-nar, ħejjejna programm kif jixraq b’sagrifiċċji u tbatijiet kbar waqt li bogħod mill-familji tagħna, ħdimna lkoll għal din il-festa kif jixraqlu Missierna San Pawl. L-impenn huwa kbir u bilkemm tista’ tmur għax- xogħol. Għalhekk ma nagħmilx garanzija li dan ix- xogħol ser jibqa’ jsir jekk ma jkunx hemm għajnuna u kollaborazzjoni li nippretendi li tkun mingħand kulħadd. Nixtieq ukoll ngħid lil dawk kollha li għandhom il-post tan-nar għal qalbhom li jekk iridu li l-post tan-nar jibqa’ jiffunzjona jġibu l-liċenzja meħtieġa. Din is-sena ħadna sehem fl-attività li kienet organizzata mir-Reġjun ta’ Nofsinhar f’Birżebbuġa. Ukoll ibbenifikajna minn fondi li ngħataw mill-Kunsill Malti għall-Arti biex tisaħħaħ is-sigurtà fil-post tan- nar. Il-fondi li ngħatajna s-sena l-oħra ntużaw biex ġew installati CCTV cameras flimkien ma’ sistema ta’ allarm, bdil ta’ bibien u xatba ġdida. Bil-fondi ta’ din is-sena hemm ippjanat li ssir ġiebja għall-ħażna tal-ilma flimkien ma’ passaġġi fil-post tan-nar. Grazzi għal dan imur lill- Ministru Dr Owen Bonnici. Mill-festa l-oħra ’l hawn tlifna lil Joseph Callus (Żużu ta’ Manna) li kien jagħtina pariri u jgħallimna fuq ix-xogħol tan-nar li hu stess ħadem għal għexieren ta’ snin. Grazzi Żuż tax-xogħol li wettaqt għall-festi tul is- snin. Żużu kien iħobbu l-post tan-nar u kien wieħed minn dawk li ġera u rsista kemm felaħ biex isir dan il-post tan-nar. Qatt minsi Żuż minn sħabek Ħal Safin. Nimmisjawk immens u ħarisna. Sfortunatament kien nhar is-Sibt 4 ta’ Mejju fejn b’telefonata spiċċajna ċċassati bit-telfa ta’ żagħżugħ fil-fjur ta’ ħajtu f’inċident hekk sfortunat ta’ Christen Cachia (tal-Feles) li għal xi żmien kien licencee tal-post tan-nar. Strieħ fis-sliem Chris. Grazzi kbira tmur lis-Sur Charles Polidano u lis-Sinjura tiegħu Josephine Polidano tal-ikliet li għamlulna f’Monte Kristo bil-qliegħ kollu jmur għan-nar, għall-planċier u għall-proprjetà li akkwista l-każin. Minn qiegħ qalbi nirrigrazzjahom u ninsab ċert li min għandu l-festa ta’ San Pawl għal qalbu ikun grat lejhom u jattendi għall-ikliet li jiġu organizzati matul is-sena. Nirringrazzja wkoll lill-Ministru tal-Infrastruttura Dr Ian Borg talli għamlilna t-triq li tagħti għall-post tan-nar bl-asfaltar u l-konkos. Grazzi lis-Sindku u l-membri kollha tal-Kunsill Lokali tal-kollaborazzjoni li dejjem insib mingħandhom, lill-kappillan, lill-Kumitat Ċentrali u s-Sottokumitati tal- Każin Banda San Pawl u lill-barman tal-każin. Grazzi kbira lil sħabi li jkunu miegħi ta’ kuljum fil- post tan-nar u grazzi lill-familji tagħna tal-paċenzja li jieħdu bina u tas-sagrifiċċji li jagħmlu magħna biex aħna nkunu nistgħu nkomplu bil-ħidma tagħna. Grazzi minn qalbi lil Michael Brockdorff li għal darb’oħra bis-saħħa tiegħu stajna nżommu l-post tan-nar miftuħ tista’ tgħid kuljum matul is-sena. Grazzi lil kull min għen b’xi mod jew ieħor. Nawgura l-festa t-tajba lill-Ħal Safin kollha. Viva San Pawl! 90 Sena Soċjetà 1929-2019 30 Sena Banda 1989-2019 175 Sena Statwa Titulari 1844-2019 33

Ktieb Festa 2019, Każin Banda San Pawl Safi Ktieb Festa 2019, Każin Banda San Pawl Safi | Page 35