Ktieb Festa 2019, Każin Banda San Pawl Safi Ktieb Festa 2019, Każin Banda San Pawl Safi

Każin Banda San Pawl, Safi Festa 2019 Baned Mistiedna L‑Erbgħa 21 ta’ Awwissu 2019 Socjetà Filarmonika Santa Marija Mosta Is-Soċjetà Filarmonika Santa Marija tal-Mosta twaqqfet uffiċjalment fl-1905. Madankollu hemm ħjiel ċar li diġà kienet teżisti għaqda qabel dik is-sena. L-ewwel President tal-każin kien is-Sur Cesareo Chetcuti. Fl-2001, flimkien mas-Soċjetà Filarmonika Nicolò Isouard, ħadet sehem fi programmi mużikali fl-Iżvizzera. L-aktar mument memorabbli kien il- programm mużikali li ttella’ fis-sala tal-assemblea ta’ Palais de Nation, f’Ġinevra. Bejn it-23 u l-25 ta’ Jannar 2004 il-banda ħadet sehem f’festival prestiġjuż San Remo in Fiore li kellu t-tema tat-tkabbir tal-Unjoni Ewropea. Is-Soċjetà rrappreżentat lil Malta u magħha tellgħet tfajla Maltija li libset kostum Malti. Hi akkumpanjat il-banda fuq karru dekorat bil- fjuri bl-isem ‘Malta Porta dell’Oriente’. F’din l-okkażjoni l-banda żanżnet uniformi tax-xitwa ġdida u l-bandisti, b’ġakketta maroon, immarċjaw matul it-toroq ta’ San Remo. F’Diċembru 2004 l-ensemble tal-Banda Santa Marija ta żewġ rappreżentazzjonijiet f’Ragusa, fi Sqallija, fl-okkażjoni tal-ġemellaġġ bejn il-Mosta u Ragusa. Is-Soċjetà tħaddan fiha wkoll is-sezzjoni tal-piroteknika, is-sezzjoni żgħażagħ, il-kummissjoni banda u gruppi ta’ ħidma oħra. Din is-Soċjetà hi waħda ferm ħajja, attiva, u preżenti fil-komunità tal-Mosta. Il‑Ħadd 24 ta’ Awwissu 2019 Soċjetà Filarmonika San Pietru Banda Birżebbuġa A.D. 1990 Is-Soċjetà twaqqfet fl-14 ta’ Jannar 1990 bl-għan li xxerred l-interess mużikali bandistiku f’Birżebbuġa; tkabbar il-festa titulari ta’ San Pietru Appostlu tal- istess lokalità u tieħu sehem fil- ħajja kulturali ta’ Birżebbuġa. Mil-lat soċjali tagħha s-Soċjetà tiftaħar bis-sede proprjetà tagħha ‘Ġawhra San Pietru’, li rnexxielha tixtri, twaqqa’ u tibni mill-ġdid. Matul is-snin is-sede kompliet titkabbar billi nxtraw bosta proprjetajiet imissu magħha, tant li llum is-sede ta’ din is-Soċjetà żbukkat ruħha fil- pjazza tal-knisja. Fl-1991 is-Soċjetà kkummissjonat statwa sabiħa ta’ San Pietru biex tintuża fid-dimostrazzjoni tal-aħħar tridu. Din inħadmet mill-Kav. Alfred Camilleri Cauchi u hija meqjusa bħala waħda mill-ifjen xogħlijiet tiegħu. Fis-sena 1999, grupp ta’ nies irregalaw lis-Soċjetà statwa tal-irxoxt, liema statwa saret dimostrazzjoni biha fl-istess sena. Ġara li nqala’ diżgwid kbir mal-awtoritajiet tal-Knisja, iżda wara 18-il sena ta’ inibizzjoni, fl-2017 il-kurja tat il-kunsens tagħha biex din tibda terġa’ tinħareġ. Matul is-snin is-Soċjetà rebħet ukoll diversi unuri nazzjonali relatati ma’ presepji u armar varju tal-Milied fosthom dak tal-2005. Fis-sena 2016 l-għaqda tan-nar 22 ta’ Frar, li topera fi ħdan is-Soċjetà rebħet l-unur prestiġjuż għall-aqwa prodotti pirotekniċi fil-festival tal-logħob tan- nar tal-art tal-Furjana f’kompetizzjoni qalila mal-aqwa kmamar tan-nar f’pajjiżna. Il‑Ħadd 24 ta’ Awwissu 2019 Socjetà Filarmonika Stella Maris Sliema Lejn it-tieni nofs tas-seklu dsatax Tas-Sliema kienet diġà qed tieħu xejra oħra. Ma baqgħetx dak ir-raħal kwiet ta’ xi erba’ sajjieda u ftit għonja li kienu bnew il-postijiet ta’ villeġġjatura fil-post. Dan it- tkabbir wassal sabiex il-knisja ta’ Stella Maris titkabbar u fl-1878 issir parroċċa ewlenija f’Tas-Sliema b’konfini li jestendu mill-Imsida sa San Ġiljan. Tlettax-il sena wara nġiebet minn Pariġi l-istatwa artistika u devota ta’ Marija Kewkba tal-Baħar. L-ewwel festa titulari f’ġieħ Marija Stella Maris saret fl-1855, ġimgħa wara li nfetħet u tbierket il-knisja. L-ewwel banda f’Tas-Sliema taf il-bidu tagħha fl-1886 bit-twaqqif ta’ I Cavallieri di Malta. Kien hemm baned oħra li nibtu iżda dawn mietu mewta naturali. Kien biss fl-1914 li grupp ta’ żgħażagħ u rġiel avviċinaw lill-Kappillan Dun Vincent Manché li laqa’ tajjeb din l-idea u kien wieħed mill-fundaturi taċ-Circolo Musicale Stella Maris. L-ewwel Surmast Direttur kien Mro Ferdinando Camilleri. Fl-1925 il‑Filarmonica Stella Maris kienet l-ewwel banda Slimiża li daqqet barra minn Malta waqt il-festa ta’ San Corrado f’Noto. Fl-1933 l-banda kompliet tikber sal-punt li daħlu ħafna membri ġodda u kien ordnat stumentatura ġdid mingħand id-ditta famuża Boosey & Hawkes. Dan kien żmien tad-deheb għall-banda, iżda kollox sfaxxa mat-Tieni Gwerra Dinjija li ħalliet ħerba fil-ħajja soċjali tal-post. Mas-snin ta’ wara l-gwerra u l-iżvilupp tal-post, il- kumitat ra li t-tradizzjoni tal-festi u l-banda jitkomplew. Fl- 2005 kienet l-ewwel banda Maltija li daqqet waqt il-Malta Day f’Londra. Fl-2014 il-banda fakkret il-mitt sena mit- twaqqif tagħha u fis-snin ta’ wara kompliet isservi mis-sede tagħha mill-pjazza prinċipali ta’ Tas-Sliema fejn għadha ħajja u attivà. 90 Sena Soċjetà 1929-2019 30 Sena Banda 1989-2019 175 Sena Statwa Titulari 1844-2019 169

Ktieb Festa 2019, Każin Banda San Pawl Safi Ktieb Festa 2019, Każin Banda San Pawl Safi | Page 171