Ktieb Festa 2019, Każin Banda San Pawl Safi Ktieb Festa 2019, Każin Banda San Pawl Safi | Page 167

Każin Banda San Pawl, Safi
Festa 2019
Dokument relatat mal‑pedestall tal‑vara ta’ San Pawl Antonio Sciortino, 1879‑1947 (Skultur) li b’xi mod influwenza
d‑disinn finali tal‑pedestall maħdum minn Emanuel Buhagiar
l-Professur Antonio Sciortino kellu jagħti lill-kappillan
sabiex dan id-disinn jiġi modifikat skont il-kapaċità
artistika u professjonali ta’ Sciortino. Huwa interessanti
l-fatt li dan id-dokument jista’ jagħtina informazzjoni
oħra li forsi ma konniex nafu fuq il-bijografija ta’ Antonio
Sciortino (1879-1947). L-iskultur Żebbuġi, magħruf għal
bosta xogħlijiet artistiċi tiegħu, fosthom Les Gavroches u
Kristu Re, kien jifforma parti mill-“Giunta per la Tutola
della antichita ecclesiastiche.” 4 Xogħlu fil-kurja kien li
jgħaddu minn taħt idejh id-disinji ta’ ċerti opri artistiċi
li jkunu ppreżentati mill-kappillani u jagħti l-pariri
tiegħu fuq dawn ix-xogħlijiet sabiex ikunu jistgħu jiġu
approvati minnu u mis-segretarju tal-kurja. B’hekk il-
kappillan ippreżenta disinn ieħor fuq l-istruzzjonijiet
mogħtija lilu minn Sciortino. Wara li dan it-tieni disinn
kien studjat sew, il-kurja approvatu fl-14 ta’ Mejju 1940.
(Madwar xahar wara, Mussolini kien iddikjara gwerra
kontra l-Ingilterra u l-kolonji tagħha u b’hekk fil-11 ta’
Ġunju 1940 il-gżejjer Maltin kienu awtomatikament
involuti fit-Tieni Gwerra Dinjija.)
Minn dan id-dokument joħorġu diversi aspetti
importanti marbutin mal-proċess ta’ dan il-pedestall.
L-aktar ħaġa interessanti marbuta ma’ dan id-dokument,
ħarġet fi studju li kien għamel Mark Sagona dwar il-ħidma artistika ta’ Emanuele Buhagiar fl-arti ekkleżjastika.
Sagona, b’referenza għall-pedestall tagħna, isemmi
tliet disinji. 5 Tnejn jinsabu f’kollezzjoni privata filwaqt
li l-ieħor jinsab fis-sagristija tal-knisja tagħna. Dan tal-
aħħar diġà għamilt referenza għalih. Għaldaqstant dan
ir-rikors jixhed li dan id-disinn li jinsab fis-sagristija
ma kienx ippreżentat lill-kurja bħala parti mit-talba tar-
rikors, għax huwa datat fis-7 ta’ Settembru 1939 filwaqt
li l-ewwel disinn kien ippreżentat fl-20 ta’ Ġunju 1939
u kien irtirat mill-applikazzjoni fil-15 ta’ Lulju 1939.
Iż-żewġ disinji l-oħra huma simili ħafna għall-pedestall
tagħna imma sfortunatament l-ebda wieħed minnhom
ma fih data. Barra minn hekk m’għandna l-ebda evidenza
fejn jinsabu ż-żewġ disinji li ġew ippreżentati fit-talba li
kien għamel Dun Franġisk Xuereb.
Referenzi
Arkivju Arċiveskovili ta’ Malta, Suppliche 37 (1937), f.6
Arkivju Arċiveskovili ta’ Malta, Suppliche 40 (1939), f.217
3
Arkivju Arċiveskovili ta’ Malta, Suppliche 40 (1939), f.217v
4
Ibid.
5
M. Sagona, Emanuele Buhagiar (1876-1962: his contribution to
the ecclesiastical decorative arts of the Maltese Islands, (2003)
p.171-173
1
2
90 Sena Soċjetà 1929-2019
30 Sena Banda 1989-2019
175 Sena Statwa Titulari 1844-2019
165