Ktieb Festa 2019, Każin Banda San Pawl Safi Ktieb Festa 2019, Każin Banda San Pawl Safi | Page 14

Festa 2019
Każin Banda San Pawl, Safi
Messaġġ tas‑Segretarju
Manuel Debono
Għeżież Ħal Safin, għal darba oħra
reġa’ wasal ix-xahar ta’ Awwissu li fih
niċċelebraw il-festa ta’ Missierna l-Kbir
San Pawl li ġabilna l-fidi. Din is-sena
kienet mimlija impenji bħal kull sena oħra.
Il-kariga ta’ segretarju li b’tant serjetà,
imħabba, u sagrifiċċju mexxejt u għadni
mmexxi, illum aktar minn qatt qabel, inħoss
ir-responsabbiltà li nirringrazzja lil dawk
kollha li tul dan iż-żmien kollu ħadmu u
għadhom jaħdmu miegħi biex flimkien
wettaqna ħidma b’determinazzjoni assoluta għall-każin
Banda San Pawl. Bikom il-Pawlini magħqudin warajna
nkomplu naslu biex inwettqu dak kollu li jagħmel ġieħ lil
Missierna San Pawl.
Din is-sena s-Soċjetà tagħlaq 90 sena, il-Banda San
Pawl tagħlaq 30 sena u l-istatwa titulari u artistika ta’
San Pawl tagħlaq 175 sena. Dan kollu jixraq li jitfakkar
u li jfakkarna fir-resposabbiltà li għandna lejn il-
ġenerazzjonijiet futuri biex nieħdu ħsieb it-tradizzjonijiet
u dak li writna minn missirijietna.
Din is-sena applikajna biex nieħdu fondi għall-każin.
Dawn kienu fondi reġjonali bl-għajnuna tas-Sindku
s-Sur Johan Mula, il-kunsilliera u s-segretarja li ħadmu
qatigħ flimkien mal-Perit l-Onor. Toni Bezzina MP, li
volontarjament ħa ħsieb il-formalitajiet tal-formoli u
applikazzjonijiet meħtieġa. Grazzi għal dawn in-nies
kollha rnexxielna nieħdu dawn il-fondi biex nkompli
nsebbħu din il-ġawhra ta’ każin tagħna.
Din is-sena, b’niket kellna diversi telfiet qrib tagħna
l-Pawlini. Żużu Callus li tant ħadem nar għall-festa
mingħajr daqq ta’ trombi mar għand il-Mulej. Żużu kien
President u membru onorarju fi ħdan il-każin. Insellmu
wkoll lil Christen Cachia li bħal sajjetta fil-bnazzi, it-
telfa tiegħu ħasditna lkoll. Għal xi żmien Chris kien
responsabbli mill-post tan-nar. Tlifna wkoll lil Nenu
Zahra, magħruf bħala Kannoli, li tant kien iħobb lil San
Pawl u l-każin tagħna. Tlifna wkoll lil Redent Cachia
li kulħadd reġa’ nħasad bl-aħbar tal-mewt tiegħu; kien
iħobb lil San Pawl u kien jieħu sehem fil-marċi fil-jiem
tal-festa. Grazzi lil dawn kollha li issa qegħdin igawdu
lil San Pawl.
Grazzi kbira hija dovuta lis-sottokumitati tan-nisa, tal-
armar u taż-żgħażagħ li jaħdmu s-sena kollha biex jiġbru
l-fondi. Nirringrazzja wkoll lis-sottokumitat tan-nar li
b’tant sagrifiċċju jaħdmu biex ikollna festa mill-isbaħ.
Ringrazzjament dovut ukoll lill-aħwa Polidano (taċ-
Ċaqnu) li dejjem ikunu hemm għal kull bżonn, kemm
12
materjali u kif ukoll finanzjarju. Din is-sena
organizzajna diversi ikliet f’Montekristo
Estates, flimkien mas-sottokumitati tan-
nar, tal-armar u taż-żgħażagħ, flimkien
ma’ Charlie ċ-Ċaqnu, li min-naħa tiegħu
għadda d-dħul kollu lill-każin.
Fil-festa tas-sena 2018 fil-każin kellna
esebita statwa replika tal-istatwa tal-knisja
propjetà tas-Sur Charles Polidano. Statwa
li ġew iżuruha nies minn Malta u Għawdex
kollu. Dan kollu kompla jżid mad-dekor
tal-każin tagħna matul il-jiem tal-festa.
Nappella lil kull min jista’ jagħti daqqa ta’ id fl-
armar biex javviċinana meta nkunu qegħdin narmaw u
nżarmaw. Kull għajnuna tgħodd u tkun ferm apprezzata.
L‑istatwa ta’ San Pawl tas‑Sur Charles Polidano (iċ‑Ċaqnu)
għall‑wiri fil‑Każin Banda San Pawl fil‑ġranet tal‑festa 2018
Grazzi kbira tmur lill-Perit Anton Zammit tal-
paċenzja li jieħu bina għall-permessi dovuti għall-armar
tat-toroq fost oħrajn. Dan kollu jagħmlu volontarjament.
Grazzi kbira tmur lill-għaqdiet kollha tar-raħal.
Lis-Sur Jonathan Brincat, is-Superjur tal-MUSEUM
tas-subien, lis-Sinjorina Grace D’Amato, is-Superjura
tal-MUSEUM tal-bniet u l-membri rispettivi tagħhom.
Lill-Kappillan Kan. Dun David Farrugia u l-qassisin
li jiġu jgħinuh. Lill-Kor Sine Macula u l-Kunsill
Parrokkjali.
Nixtieq ukoll nirringrazzja lis-Sur Alexis Callus li
jieħu ħsieb dan il-ktieb. Fejn tidħol is-sehem tal-banda
nuri apprezzament lis-Surmast Mro Michael Bugelli
u lill-Assistent Surmast Charles Wallace Suda, lill-
90 Sena Soċjetà 1929-2019
30 Sena Banda 1989-2019
175 Sena Statwa Titulari 1844-2019