Ktieb Festa 2019, Każin Banda San Pawl Safi Ktieb Festa 2019, Każin Banda San Pawl Safi

Każin Banda San Pawl, Safi Festa 2019 Baħar ’il bogħod Alexis Callus jintervista lill-kittieba Elizabeth Grech, imwielda u mrobbija f’Ħal Safi u li llum tgħix fi Franza. Elizabeth Grech, Ritratt ta’ Zvezdan Reljic Elizabeth Grech hija traduttriċi (Franċiż u Taljan għall-Ingliż). Taħdem ma’ diversi għaqdiet nongovernattivi, kif ukoll organizzazzjonijiet fil-qasam kulturali u artistiku. Hija konsulenta ma’ CIHEAM (International Centre for Advanced Mediterranean Agronomic Studies), fejn għandha f’idejha d-dokumenti u l-pubblikazzjonijiet bil-lingwa Ingliża. Hija wkoll traduttriċi fil-qasam letterarju. Ħafna mit-traduzzjonijiet tagħha ġew ippubblikati f’kotba, antoloġiji ta’ poeżiji u ġurnali letterarji. Għal dawn l-aħħar ħmistax- il sena kitbet ħafna poeżija Maltija, uħud minnhom ippubblikati f’antoloġiji, imma huwa biss riċentament li tat id-dawl lil dan ix-xogħol. Għadha kif ippubblikat, fi Frar 2019, l-ewwel ġabra tagħha, Bejn Baħar u Baħar, mal- Merlin Publishers. F’Ġunju tal-2018 kienet waħda mill-poeti mistiedna fil- Festival Internazzjonali tal-Poeżija f’Sidi Bou Saïd, it-Tuneżija. F’Ottubru pparteċipat fil-Manifestazzjoni Internazzjonali Letterarja f’Tetovo, il- Maċedonja u Pogradeč, l-Albanija. Dan ix-xahar (Awwissu) se tkun waħda mill-kittieba mistiedna għall-Festival Mediterranju tal-Letteratura ta’ Malta. Kemm ilek toqgħod fi Franza, u x’kienet il‑motivazzjoni ewlenija tal-familja tiegħek li tagħżlu li tibnu ħajjitkom hemm? Issa ilni 20 sena ngħix Franza. Mort biex inkompli nistudja l-Antropoloġija l-Università ta’ Marsilja wara li lestejt il-kors tal-Baċellerat fl-Arti l-Università ta’ Malta. Wara sentejn tlajt nistudja Lyon u ftit wara komplejt it- triq tiegħi lejn Pariġi fejn issetiljajt u bdejt naħdem hemm. Issa Pariġi ilni mill-2002. Meta tlaqt nistudja ma kellix idea li se ndum daqshekk u li se nibqa’ ngħix, nissetilja, naħdem u nibni familja hemmhekk. Imma Franza minn dejjem kienet tiġbidni għax hija pajjiż ta’ kultura u f’dal-qasam hemm ħafna opportunitajiet. Ovvjament ġejja u sejra u l-kuntatti ma’ Malta, speċjalment ma’ Ħal Safi ma qtajthomx. Għadni involuta f’ħafna affarijiet Malta, speċjalment fil-qasam tal-letteratura u l-kultura. Attiva ħafna ma’ Inizjamed, li torganizza l-Festival Mediterranju tal-Letteratura ta’ Malta, il-palk ħieles kull xahar, kif ukoll jien membru tal-Kunsill ta’ HELA Hub for Excellency in Literary Arts. Minn lenti antropoloġika, u bħala persuna li tosserva, x’karatteristiċi tara fi wliedek li jixbhu lil dawk ta’ tfal li kieku trabbew f’Ħal Safi. Fil- bini tal-karatru tagħhom hemm dak l-element li jiddistingwihom minn tfal oħra Franċiżi (bil- multikulturaliżmu kollu illi joffru Pariġi u Franza)? Diffiċli tqabbel. Ovvjament li l-ambjent li nitwieldu u nitrabbew fih jinfluwenza b’mod importanti l-karattru u anke l-edukazzjoni. Pariġi, aħna ngħixu fi kwartier popolari fejn hemm atmosfera ta’ solidarjetà bejn kulturi differenti. Fil-klassi tagħhom it-tfal tiegħi jagħmluha ma’ tfal oħra li bħalhom stess għandhom ġenituri ġejjin minn pajjiżi oħra, li jitkellmu lingwi oħra, li għandhom kulturi differenti. L-iskejjel tagħhom it-tnejn jagħtu importanza kbira lill-valuri tar-Repubblika Franċiża li huma Fraternità, Libertà, u Ugwaljanza u t-tfal jiġu edukati dejjem b’għożża kbira lejn dawn il-valuri biex jikber fihom is-sentiment ta’ tolleranza u rispett lejn dak kollu li hu differenti. It-tfal tiegħi għandhom żewġ kulturi. Jien inkellimhom bil-Malti u qed jitgħallmuh sew. Għalija importanti ħafna li jifhmu u jitkellmu bil- Malti, li jiġu spiss iqattgħu xi btala Ħal Safi, jattendu l-festa ta’ San Pawl eċċ. għax dan kollu huwa wkoll parti mill-ambjent li tlajt fih. Dwar il-karriera tiegħek. Fejn bdejt? Fejn ħdimt? Illum bħala traduttriċi kif timraħ? Kif tikkontrasta mal-pinna kreattiva tiegħek il-fatt li trid taqleb il- kitba ta’ persuni oħra? Kif spiċċjat nistudja, l-ewwel bdejt naħdem fil- mużewijiet. Imbagħad sibt xogħol bħala manager kulturali ma’ Fondazzjoni Pariġi li l-għan tagħha kien li jissaħħu l-iskambji kulturali madwar il-Mediterran bejn pajjiżi differenti. Issa ilni sentejn u nofs naħdem għal rasi. Nagħmel traduzzjonijiet tekniċi mill-Franċiż u t-Taljan għall-Ingliż u naħdem ma’ diversi entitajiet internazzjonali jew kulturali. Barra minn hekk nittraduċi 90 Sena Soċjetà 1929-2019 30 Sena Banda 1989-2019 175 Sena Statwa Titulari 1844-2019 117

Ktieb Festa 2019, Każin Banda San Pawl Safi Ktieb Festa 2019, Każin Banda San Pawl Safi | Page 119