Ktieb Festa 2019, Każin Banda San Pawl Safi Ktieb Festa 2019, Każin Banda San Pawl Safi

Każin Banda San Pawl, Safi Festa 2019 Pawlu l‑Għalliem minn Joe Chetcuti Żgur li għalina l-Maltin, kif kienet għall-Kattoliċi f’kull naħa tad-dinja, is- Sena Pawlina ma servietx biss sabiex nitgħallmu aktar fuq San Pawl. Permezz tal-ħajja u t-tagħlim ta’ San Pawl, tħeġiġna sabiex bħalu nkunu sħaħ fil-fidi tagħna u f’dak li Kristu, li għalih kien lest biex isofri u jiffaċċja kull tfixkil u tbatija biex jibqa’ fidil lejh, xandar lill-oħrajn. Dan mhux dejjem faċli f’dinja li qed kulma jmur twarrab lil Kristu u t-tagħlim tiegħu. Jekk kien hemm xi ħaġa li San Pawl jgħallimna hija li mill-konverżjoni tiegħu ’l quddiem huwa ma ħalla assolutament xejn u lil ħadd jifirdu minn Kristu u mill- imħabba tiegħu lejh. Bir-raġun seta’ jikteb, “Min se jifridna mill-imħabba ta’ Kristu? It-taħbit, id-dwejjaq, il-persekuzzjoni, il-ġuħ, l-għera, it-tiġrib, ix-xabla?” [Rum8:35] “Għax jiena żgur li la l-mewt u la l-ħajja, la l-anġli u la l-qawwiet, la ż-żmien t’issa u la ta’ li ġej, la setgħat, la l-għoli u lanqas il-fond, u ebda ħlieqa oħra ma jistgħu qatt jifirduna mill-imħabba ta’ Alla li dehret fi Kristu Ġesù Sidna.” [Rum8:38-39] Dan huwa l-veru għalliem li l-Knisja poġġiet quddiemna matul is-sena Pawlina li lkoll flimkien iċċelebrajna. Għalliem li jimliena bil-kuraġġ sabiex f’dinja li qed twarrab u teħodha kontra Kristu u tagħmlilna ħajjitna tant diffiċli, ma nistgħux naqtgħu qalbna u nibżgħu jew nitilfu l-kuraġġ quddiem id- diffikultajiet għall-fidi tagħna. Bħal Pawlu rridu nkunu nies ta’ rieda liema bħalha, qawwija u ta’ kuraġġ kbir u ma nħallu lil ħadd jifridna u jbegħedna minn Kristu u t-tagħlim li huwa għallimna. Għall-kuntrarju, bħal Pawlu, bil-kuraġġ, irridu nkunu nies li lesti naffrontaw kull sfida u kull diffikultà li nistgħu niltaqgħu magħha fil- ħajja. Meta l-Mulej Ġesù kien deher lil Ħananija u bagħtu sabiex jgħammed lil Sawlu li kien għadu kif ikkonverta fit- triq lejn Damasku, fost ħwejjeġ oħra qallu, “Mur, għax dan ir-raġel hu għodda magħżula minni biex iwassal ismi quddiem il-ġnus u s-slaten u quddiem ulied Iżrael. Jien stess għad nurih kemm irid ibati minħabba f’ismi.” [Att9 15-16] Dina il-lezzjoni ta’ tbatija u tas-sagrifiċċju, San Pawl tgħallimha sewwa. Huwa wasal sabiex jifhem personalment il-qawwa li għandu s-salib sabiex isalva lill-bnedmin u aċċetta f’qalbu kollha li jieħu sehem fit- tbatijiet ta’ Kristu u li joffri ruħu bħala vittma għalih. Infatti fl-ittra lill-Kolossin kiteb, “Jien issa nifraħ bit- tbatijiet tiegħi minħabba fikom, għaliex bihom jiena ntemm f’ġismi dak li jonqos mit-tbatijiet ta’ Kristu għall- ġisem tiegħu li hu l-Knisja.” Kristu darba stqarr hekk, “U meta nintrefa’ ’l fuq mill- art, jiena niġbed il-bnedmin kollha lejja.” [Ġw:12:32] L-Evanġelista jfisser dawn il-kelmiet, u huwa qal dawn sabiex jurihom b’liema mewt kien sejjer imut. Bit- tbatija u l-mewt tiegħu l-Mulej ġibed lejh il-bnedmin u kisbilhom is-salvazzjoni. Fuq l-eżempju tal-imgħallem tiegħu San Pawl mexa fit-triq tas-salib u nqeda bit-tbatija sabiex isalva l-erwieħ. Jalla l-festa ta’ din is-sena tkompli ġġegħelna nirriflettu iktar dwar il-fidi li ġabilna l-ikbar Appostlu tal-Ġnus – San Pawl Missierna. Wie˙ed mill-iskopijiet tal-festa hu li naraw fiex a˙na f’din il-lealtà tag˙na lejn it-tag˙lim ta’ San Pawl 90 Sena Soċjetà 1929-2019 30 Sena Banda 1989-2019 175 Sena Statwa Titulari 1844-2019 113

Ktieb Festa 2019, Każin Banda San Pawl Safi Ktieb Festa 2019, Każin Banda San Pawl Safi | Page 115