Ktieb Festa 2019, Każin Banda San Pawl Safi Ktieb Festa 2019, Każin Banda San Pawl Safi

Każin Banda San Pawl, Safi Festa 2019 Jikteb il‑President Pawlu Busuttil Din is-sena s-Soċjetà tagħna tagħlaq 90 sena. Kien appuntu f’Jannar tal-1929 li nfetaħ il-Każin San Pawl f’Ħal Safi bil- għan ewlieni li jgħin fl-organizzazzjoni tal- festa esterna tal-patrun tagħna l-Appostlu Missierna San Pawl. Tnejn mill-fundaturi l-iktar li jissemmew huma Pawlu Busuttil (il-Fokkli) u Filomenu Cachia. Il-membri bdew jiltaqgħu fid-dar Nr. 2 f’Misraħ il-Knisja, li kienet mikrija mingħand Emanuel Busuttil, il-post li sal-lum hemm il-każin fil-preżent. Fi żmien il-gwerra, il-każin kellu jingħalaq biex fih joqogħdu r-refuġjati, u dan reġa’ beda l-funzjoni tiegħu hekk kif spiċċat il-gwerra fl-1945. Matul is-snin il-każin żaruh diversi nies distinti, bħal ngħidu aħna fl-1947 meta ġie inawgurat id-dawl elettriku f’Ħal Safi kien ġie l-Prim Ministru ta’ dak iż-żmien, Sir Paul Boffa, fejn wara sar riċeviment fis-sala tal-każin. Fit-13 ta’ April 1951 il-Gvernatur Gerald Creasy żar ir-raħal u wara sar trattament fis-sala tal-każin. F’Mejju tal-1962 tpoġġiet l-ewwel ġebla tal-iskola l-ġdida u għal din l-okkażjoni kienu ġew diversi nies distinti, fosthom il-Prim Ministru Dott. Ġorġ Borg Olivier u l-Isqof Emmanel Galea. Għal din l-okkażjoni kien infetaħ bieb mis-sala tal-każin għal ġod-dar ta’ Wiġi u Ġolina Zammit biex b’hekk il- mistednin setgħu jidħlu minn dak il-bieb li hemm ħdejn l-għassa tal-pulizija, jitilgħu fuq, u jidħlu fis-sala tal- każin fejn sar riċeviment tal-okkażjoni. Fl-1985 il-każin inxtara mingħand il-familja ta’ Manwel Busuttil, u l-Ħadd 27 ta’ Settembru beda jinħatt biex il-bini l-ġdid kien lest għall-festa tal-1989. Dan ix-xogħol sar kollu bil-volontarjat. Fl-1989 twaqqfet il-Banda San Pawl. Fl-2014 inxtrat il- biċċa l-oħra tal-binja mingħand il-familja Zammit u b’hekk illum il-każin għandu l-binja kollha, jiġifieri dak li kien il-Palazz Gollcher. Din hija l-istorja tas-Soċjetà tagħna fil-qosor. Tul dawn id-90 sena kienu ħafna li ħadmu u stinkaw, taw ħinhom u għamlu sagrifiċċji, ikkontribwixxew finanzjarjament, biex is-Soċjetà waslet fejn waslet. Aħna qatt ma għandna ninsew dan u lil dawk li kienu protagonisti. Rigward il-planċier, is-sena l-oħra konna bgħattna l-forom għand il-Fonderia Artistica Versiliese ta’ Pietrasanta (Italja) fejn qed jinħadem il-bronż, però għal din is-sena mhux ser ikun lest. Il-ħsieb hu li jitlesta għas-sena d-dieħla. Nixtieq nirringrazzja lill-għaqdiet kollha li jaħdmu fis- Soċjetà tagħna – iż-żgħażagħ, in-nisa, tal-armar u tan-nar – tax-xogħol li jagħmlu u tal-attivitajiet li jtellgħu matul is-sena biex b’hekk jinġabru l-fondi. Minn hekk nistgħu nkomplu nħallsu l-ispejjeż tal-propjetà, tal-planċier, tal- banda, u anke l-ispejjeż marbutin biex nagħmlu festa kif verament jixraq lill-Kbir Appostlu Missierna San Pawl. Nagħlaq dan il-messaġġ billi nirringrazzja lis-Sindku Johan Mula u lill-kunsillieri, lill-Kappillan Kan. Dun David Farrugia, lis-Surmast Mro Michael Bugelli, lill- Ass. Surmast is-Sur Charles Wallace Suda, lill-Konsulent tal-Banda s-Sur Saviour Spiteri, lill-membri tal-kumitat u lis-soċji tal-każin. Grazzi lil dawk li jirriklamaw f’dan il-ktieb u lil dawk kollha li jaħdmu u jikkontribwixxu finanzjarjament. Nawgura l-festa t-tajba lil kulħadd. Viva San Pawl! X’rigal dak li Alla tana meta bagħtek fuq din l-art, Sraqt il-qlub tal-Maltin kollha u l-Vanġelu dlonk xandart. 90 Sena Soċjetà 1929-2019 30 Sena Banda 1989-2019 175 Sena Statwa Titulari 1844-2019 9

Ktieb Festa 2019, Każin Banda San Pawl Safi Ktieb Festa 2019, Każin Banda San Pawl Safi | Page 11