Ktieb Festa 2019, Każin Banda San Pawl Safi Ktieb Festa 2019, Każin Banda San Pawl Safi

Każin Banda San Pawl, Safi Festa 2019 San Pawl fl‑Arti minn E.V. Borg E.V. Borg; imwieled l-Imdina fl-1945. Fl-iskola elementari studja l-Arti taħt Mastru Karmenu Tonna (1910-73). Studja l-Liceo tal-Ħamrun taħt Mastri George Borg (1909-83) bejn l-1957 u l-1958 u Esprit Barthet (1919-99) bejn l-1960 u l-1962. Fil-Kulleġġ tal-Għalliema San Mikiel huwa studja l-Arti taħt Karmenu Mangion (1905-97) bejn l-1963 u l-1965). Huwa studja l-Ekonomija u l-Istorja tal-Ekonomija l-MCAST (1966-68) u l-Istorja fl-Università ta’ Malta (1977-82). Kiteb aktar minn elfejn artiklu kritiku dwar l-Arti u kien kuratur ta’ mijiet ta’ esebizzjonijiet f’Malta kif ukoll barra. Huwa magħruf bħala għalliem, kittieb, kritiku u kuratur. Kien bniedem formidabbli, b’rieda tal-azzar, kuraġġuż u kien lest li jħalli ħajtu biex iferrex it-tagħlim ta’ Ġesù Kristu. Bniedem mistiku, ħassiebi reliġjuż profond, intelliġenti u ġenju bil-mod li b’kitbietu qiegħed is-sisien tat-teoloġija Kristjana. 1 Bħal kull bniedem tassew magħruf għemilu sar mitiku, kważi leġġendarju u nistgħu inxebbhuh ma’ Platun, Alessandru l-Kbir jew Santu Wistin. Il-mit hija l-bażi ta’ kull storja. Dokumenti bikrija jiddiskrivuh bħala bniedem qsajjar, qargħi u matnazz. 2 Fin-nuqqas ta’ xbiha kontemporanja din id-deskrizzjoni influwenzat l-istorja tar-ritratt (portrait) tal-qaddis tul l-istorja tal-arti. Fir-Rinaxximent fuq l-eżempju ta’ artisti Medjevali nsibuh b’dawn il- karatteristiċi u ħafna drabi b’baffi suwed. Fis-seklu sbatax u iżjed tard insibuh b’baffi bojod, b’xagħar twil fir-rwol ta’ patrijarka. L-ikonografija jew simboliżmu komuni użat biex il-qaddis jingħaraf mill-ewwel huma x-xabla tal-martirju u manuskritt jew parċmina bħala l-awtur tal-epistoli. Ħafna drabi nsibuh flimkien ma’ San Pietru. Il-ġenju tiegħu jinħass fil-kliem ta’ għaref li kiteb f’paragrafu qasir dwar l-imħabba, “L-imħabba hi siebra; l-imħabba hi twajba, ma tgħirx; l-imħabba ma tiftaħarx, ma titkabbarx; ma tagħmilx dak li ma jixraqx, ma tfittixx dak li jaqblilha, ma tiħux għaliha, ma żżommx f’qalbha għad-deni, ma tiftaħarx bid-dnewwa, imma tifraħ bis- sewwa. Kollox tagħder, kollox temmen, kollox tittama, kollox tagħmel. L-imħabba ma tmut qatt.” 3 Żgur li l-artisti li pittru l-immaġni ta’ San Pawl kienu konxji tal-għerf u l-ġenju tiegħu u kkunsidraw il-mistiċiżmu tiegħu, il-karattru b’saħħtu u l-kuraġġ bestjali. Ftit mill-aqwa ritratti (portraits) li fadlilna ta’ dan il-bniedem formidabbli huma ta’ mastri famużi bħal Masaccio, El Greco, Raffaello, Durer, u Rembrandt. San Pawl (1426, Politiku ta’ Pisa, Pisa Museo di San Matteo) xogħol Masaccio huwa bniedem kontemplattiv, riflettiv, kważi jinħass idur fuq l-assi lejn il-lemin, massiċċ u matnazz kważi skolpit jew imnaqqax iżjed minn pittura. Masaccio kien influwenzat mill-iskultura ta’ Nicola Pisano u Donatello u għalhekk il-plastiċità (it- tielet dimensjoni) toħroġ qawwija. 4 Iżjed magħruf huwa l-profil li Masaccio pitter (1426, Firenze, Il Carmine, Cappella Brancacci) ta’ San Pawl iżur u jsabbar lil San Pietru fil-ħabs, parti miċ-ċiklu ta’ affreski, il-Ħlas tat- Tribut (The Tribute Money). Huwa fi profil artikulat b’xagħar u baffi suwed jidher qiegħed jikkonsla lil San Pietru bi driegħ merfugħ u sebgħu artikulat jinħass L‑Appostlu Pawlu ta’ El Greco ‑ 1610‑14, Toledo, Museo El Greco 90 Sena Soċjetà 1929-2019 30 Sena Banda 1989-2019 175 Sena Statwa Titulari 1844-2019 101

Ktieb Festa 2019, Każin Banda San Pawl Safi Ktieb Festa 2019, Każin Banda San Pawl Safi | Page 103