Preis DEN RÈKI?
preis NA KAHA?
KUA PREIS TA VÁLIDO?
Hopi ta e kehonan ku Fundashon pa Konsumidó ta risibí tokante diferenshanan di preis den supermerkado na momentu ku kompará preisnan den rèki i esnan ku bo ta paga na kaha na momentu ku e kahera skèn produktonan ku bo kumpra. A base di e señalnan aki Fundashon pa Konsumidó a hasi un petishon pa e instansia konserní, ku tin outoridat pa kontrolá, hasi un investigashon i kompará preisnan na kaha i den rèki di diferente produkto na un selekshon di supermerkado.
Den e periodo di 29 di yüli i 4 di ougùstùs 2014 Inspekshon Ekonómiko a tuma un muestra di alrededor di 40 produkto den e siguiente 7 supermerkadonan: Albert Heijn, Arco Iris, Best Buy, Centrum Piscadera, Esperamos i Mangusa Supermarket Rio Canario. A kompará preis di alrededor di 40 produkto. E preis den rèki di e produktonan a keda anotá i, pa por a hasi e komparashon di un manera mas real, a kumpra e produktonan aki pa asina tin tambe e faktura ku e preis na kaha riba dje pa hasi un komparashon verídiko.
aki pa asina tin tambe e faktura ku e preis na kaha riba dje pa hasi un komparashon verídiko.