Grip
Quisque vitae rutrum mi. Aliquam erat at neque nunc accumsan tristique. Praesent id tempor nisl.
Tur aña hopi di nos ta wòrdu afektá dor di grip. Pero kiko ta grip en realidat, i kiko bo por hasi pa evitá di haña grip. Grip ta un malesa di infekshon ku ta wòrdu kousa dor di un vírus (influenzavirus). Entre 24 ora pa 72 ora despues di e infekshon bo ta kuminsá nota e promé síntomanan.
Síntomanan di grip
Kansansio
Doló di kabes
Biramentu di stoma
Kala friu
Keintura
Doló di spir
Doló di garganta
Nanishi ta kore
Un sintimentu mané lam
Tambe dor ku poblashon mundial ta krese rápidamente ku konsekuensha ku tin hopi demanda pa kuminda. Bestianan ku ta wòrdu kria pa bai matadero hopi biaha ta sinta den hòkinan chikí riba otro. Un malesa ta plama masha lihé den e sistema aki. Si e bestianan resultá di ta malu i mester wòrdu transportá riba distanshanan largu, bo ta haña bo ku problema. Un bestia malu por kontagiá hende. Tambe nos komo hende ta biaha mas fásil rònt mundu. Pa e motibu aki tambe a bira mas fásil pa transportá e vírus di grip di un lugá pa otro.
Finalmente
Si bo a wòrdu kontagiá ku e vírus di grip, e mihó kos ku bo por hasi ta pa drumi i laga bo kurpa rekuperá. Pèrkurá pa sufisiente sosiegu, bebe hopi i keda den kama. Tuma bo tempu pa bo rekuperá. Si bo no laga e kurpa rekuperá bon e grip ta bolbe bek. E mihó remedi pa grip ta un bon sosiegu.