Konsumidó Alertá Volumen 6, aprel 2014 | Page 5

Temporada di playa ta den kurpa? 5 Regla pa tene kuenta kuné ora buska e trahe di baño ideal.

Funshonalidat di e trahe

Haña e trahe di baño ideal a para bira mes difísil ku skohe e par di djins korekto. Hasi bo búskeda un poko mas fásil dor wak trahenan di baño ku bo por adaptá segun bo nesesidat. Strèpnan ahustabel ta ideal pa impedí ku nan ta kai for di bo skouder. Trahenan di 2 pida ta ideal pa esnan ku ta gusta variashon ya ku bo por traha kombinashon sin tin di kumpra hinter un zuèmpak nobo. Si ta tankini ta e kos, kis unu ku ta brinda bo e opshon di ahuste segun bo forma di kurpa.

Kontrolá asesorio i adorno

E payèt ku e adornonan ta bon kose òf ta djis tene ku un pida hilu? Semper ta desapuntante ora bo kumpra paña pa djis despues bo ripará ku algun dje adornonan ta los òf no tei mas. Paga bon tinu for di den pakus riba e detayenan aki. Si den rèki tin algun modèl ku

ya nan adornonan ta los òf ta

kayendo, chèns ta grandi ku esaki lo pasa ku esun di bo tambe.

Chèk si e ta bon kosé

Bo por nota ku un zuèmpak ta di bon kalidat na e manera kon e ta kosé. Paga tinu bon e ta kose di forma zig zag òf dòbel stetch. Kontrolá i wak si no tin hilunan los. Kòrda e trahe mester soportá mas ku solamente “drumi i kue solo”..

.

Por último, chek preis verso uso

Si di bèrdat bo ta di esnan ku tur temporada ta bai ku moda, anto kisas ta kumbiní bo mas pa bai pa un modèl barata, si bo sa ku e siguiente temporada tòg lo bo bolbe kumpra un otro modelo. Sin embargo, si ta un piesa duradero bo ta buska pa bo bai largu kuné, mihó bo tuma tempu wak rònt, chèk kalidat i sea dispuesto pa paga un tiki mas pa un produkto di bon kalidat.

Bo ta sa ku? Awa di koko..

tepnan pa kumpra Bo trahe di baño ideal