Sea konsiente
Ta konsiente di loke bo ta kome, esei ya ta yuda bo. Disfrutá di bo kuminda pero, kome na midi. Ku otro palabra, kome te ora bo ta tres kuart (3/4) yen pa kada kuminda.
Porshon chikí pa baha di peso
Kome mas tantu bes pa dia un porshon chikí. Esei ta nifiká sinku pa seis bes pa dia un porshon chikí, pues kada dos pa tres ora. Tambe ta importante pa tuma bo tempu ora ta kome.
No kome promé ku drumi
E konseho aki, ya kasi sigur b' a tende kaba: "No kome promé ku bo ta bai kama! "Na e momentu ku bo bai ku un barika yen kama, bo kurpa ta konvertí e kuminda den vèt i despues usa esaki komo kombustibel. Ta p’esei ta rekomendabel pa tres ora promé ku drumi no kome nada mas.
Vèt salú ta yuda baha peso
Kome vètnan salú. Si bo skohe e vèt korekto esei lo yuda bo pèrdè peso hopi lihé. E uso di vètnan manera zeta di oleifi i zeta kanola (zeta prosesá di simia) ta rekomendabel i saludabel.
Un bon desayuno
Desayuno ta e kuminda mas importante di dia, tantu bo kualidat mental i físiko lo wòrdu benefisiá. Hopi hende ku ke baha di peso ta inkliná pa salta nan desayuno. E desayuno tòg ta un manera pa yuda pèrdè algun kilo. Desayuná un ora despues ku bo a lanta for di soño.
Kou hopi pa baha peso
Investigashon a prueba ku hende ku ta kou 40 biaha riba kada hap di kuminda, ta inkorporá ménos kaloria ku esun ku ta kou 15 biaha. Si bo kou bo kuminda bon, opviamente ku e kurpa ta haña ménos kaloria. Pues ta rekomendabel pa bo kou 40 biaha riba kada hap di kuminda. Pa promé bo ta sinti mas smak i fuera di esei bo ta akohe ménos kaloria i pues bo ta baha di peso!
tepnan pa baha di peso
Tur hende ta deseá di tin un kurpa sano, slank i sin vèt. Esaki ta konta pa tantu hende hòmber komo hende muhé. Bo sa di algun método ku por yuda bo kima vèt lihé? Aki bo ta haña algun tep pa bo baha di peso na un manera rasonabel i salú.