Fiansa den tur forma
Tin diferente sorto di fiansa (tambe yamá krédito). Si bo sera un hipotek bo kas ta para komo seguridat, pa bo fiansa. Den kaso ku bo no por paga bo fiansa bèk, banko por bende bo kas pa haña bèk e sèn ku el a fia bo. Fiansanan será sin seguridat nos ta yama fiansanan konsumptivo.
Fia sèn ta kosta sèn
Ora nos papia di fiansa hopi ta pensa dirèkt na un fiansa personal. Pero tin hopi forma di fiansa. Por ta bo mes lo bisa ku bo no tin un fiansa pero despues di pasa den e lista aki bou lo bo ta konsiente ku esaki tòg ta e kaso. E lista ta konsistí di mayoria di tiponan di fiansa ku kada un su karakterístikanan spesífiko. Tin hopi diferensia entre e formanan di fiansa, pero hecho ta ku fiamentu di sèn semper ta kosta plaka.
Krédito Kontinuo
Bo ta haña un limitá di por ehèmpel fl. 10.000,= riba bo kuenta di fiansa. Bo por lanta hinter e suma aki den un tiru pa, por ehèmpel, hasi un kompra grandi. Asina bo lanta sèn bo ta kuminsá paga bo fiansa, tur luna ku un suma fiho (un % di bo límite di krédito). Tambe ta posibel pa lanta un parti di lo límite di krédito, por ehèmpel fl. 4.000,= E ora ei tambe bo ta paga e mesun suma fiho pa luna. E posibilidat ta keda pa lanta e sobra di bo fiansa no momentu ku bo ta deseá.
Interes variabel
Interes riba un Krédito Kontinuo ta variabel. Pasombra e banko por adaptá su interes na momentu ku e ta deseá òf ta haña nesesario. Den regla esaki ta pone ku interes riba un krédito kontinuo ta mas abou ku esun di un fiansa personal. E desbentaha ta ku e interes ta variabel: e interes pues no ta fiho pa hinter e periodo di e fiansa. Di e montante fiho ku bo ta pago tur luna un parti ta bai na interes i e otro na pago di e fiansa. Kuantu sèn ta bai na kiko ta dependé di e interes válido na e momentu ei. Pues bo no sa di adelantá kuantu tempu lo tuma pa kaba di paga bo debe.
Ounke ku na hopi pais na mundu krédito kontinuo ta un produkto hopi bendí pa bankonan, aki na Kòrsou e produkto no ta unu masha popular i bendí pa bankonan lokal.
Fiansa Personal
Ku un fiansa personal bo ta fia un suma stipulá adelantá. Na momentu di sera e fiansa e interes i e tèrmino pa paga tambe ta fiho i stipulá di antemano. E bentaha di un fiansa personal kompará ku otro tipo di fiansa ta ku bo sa adelantá kuantu sèn bo ta paga na pago mensual, komishon di krédito, inkluso interes, i ki dia eksakto bo ta kla ku bo debe.
Interes ta fiho
Interes riba un fiansa personal ta mas haltu ku esun riba un krédito kontinuo. Esaki pasombra seka un fiansa personal bo tin e garantia komo kliente ku bo interes ta fiho i no lo subi òf baha. Si interes riba merkado internashonal subi abo no lo ripará algu den e interes ku bo ta paga pa bo fiansa. Pero si di otro un banda interes baha e interes ku bo ta paga lo keda mesun haltu.
KOMPARÁ I KUMPRA
Fia konsiente
Kua fiansa ta pas ku bo bùdjèt?
Quisque vitae rutrum mi. Aliquam ac erat at neque accumsan tristique. Praesent id tempor nisl.