E BENEFISIO DI TIN UN RATU PA NOS MES!
BO SALÚ
Ta bon pa sa ku den último dékadanan tabatin 3 brote di epidemia grandi kousá pa un òf otro forma di koronavirus:
SARS: ku a inisiá den Novèmber 2002 na China, I ku a afektá mas di 8.000 persona den 37 pais y a provoká mas de 700 morto.
MERS: Kousante di un síndrome respiratorio na Medio Oriente, MERS-KoV a ser detektá pa promé biaha na 2012 na Arabia Saudita. Te ku òktober 2019 tabatin mas di 2.400 kaso di infekshon den diferente pais, ku mas di 800 morto.
Noven KoV: A final di desèmber 2019 a detektá e promé kasonan di un koronavirus nobo, den e siudat de Wuhan (China). Despues di esei esnan infektá pa e vírùs ei a sigui oumentá te ku por bisa ku e epidemia aki a superá esun di SARS, pero ku ménos morto.
KOUSA
Koronavirusnan ta ser transmití di forma limitá entre ser humano, pero te dia di awe no tin un bista kla kon e vírùs aki a originá. Si tin konosementu ku sierto animalnan, manera vleermuis, ta aktua manera un “reservoir” pa e malesa aki.
SINTOMANAN
En general, e síntomanan prinsipal di un infekshon dor di koronavirus sa ta:
• Tosamentu.
• Kansansio.
• Doló di garganta i di kabes.
• Kentura.
• Kalafriu i malestar general.
• Difikultat pa hala rosea
I manera sa sosodé ora un persona tin grip, e síntomanan mas grave i ku por kousa morto, ta ser registrá den hopi kaso serka hende grandi, personanan ku un sistema di inmune abou, personanan ku ta sufri di enfermedatnan króniko manera diabétis, kanser òf enfermedat pulmonar króniko.
PREVENSHON
Te dia di awe ainda no tin un bakuna ni tratamentu spesífiko pa kombatí e infekshon di koronavirus.
Loke hopi dòkternan ta rekomendá si ta pa mantené un higiene básiko korekto pa evitá di kontraé e vírùs. Esaki kemen laba man konstantemente i evitá di tin kontakto of ta den serkania di personanan ku ta tosa konstant. Protehá spesialmente bo wowonan, nanishi i boka. Un lensu, shal of un mondkapje ta yuda bon den protekshon kontra un infekshon di e vírùs aki.
Koronavirusnan ta ser transmití di forma limitá entre ser humano, pero te dia di awe no tin un bista kla kon e vírùs aki a originá. Si tin konosementu ku sierto animalnan, manera vleermuis, ta aktua manera un “reservoir” pa e malesa aki.