KOMPARÁ I KUMPRA
Awendia un bon ‘Smartphone’ no nesesariamente mester ta karu.
Aki nos ta duna bo 5 telefònnan ekonómiko, ku fásilmente ta pas
den bo presupuesto debí ku esakinan no ta mas karu ku fl. 650.
KOMPARASHON DI PREIS
Pakete pa Baby!
Den kuadro di nos tarea pa informá, eduká i empoderá nos konsumidónan, Fundashon pa Konsumidó e bia aki a hasi un komparashon di preis bou di algun produkto pa baby. A anotá preis di 59 produkto pa baby na 22 diferente supermerkado aki na Kòrsou. Meta di e komparashon di preis aki ta pa informá e konsumidó di e preisnan di produktonan di baby i tambe aportá na un kompra aun mas konsiente i responsabel.
Den e edishon aki a anotá preis di e siguiente kategorianan: lechi pa baby, pasaboka, kuminda di bòter, bruki desechabel i baby ‘wipes’. Ta bon pa menshoná ku Fundashon pa Konsumidó no a tene kuenta ku kalidat òf pais di orígen di e produktonan.
Mas ekonómiko: Bon Bini Supermarket
For di resultadonan di e anotashon di preis, por konkluí ku Bon Bini Supermarket ta e supermerkado ideal pa hasi kompra di produktonan pa baby. Esaki debí ku e tin mas produkto na un mihó preis. For di e 59 produktonan ku a keda anotá, Bon Bini Supermarket tin un kantidat di 15 na un preis mas abou kompará ku e otro supermerkadonan. Na di dos lugá a resultá Arco Iris supermarket ku 11 produkto i na di tres lugá Mangusa Hypermarket ku 9 produkto na un preis mas kumbiniente.
Mihó surti: Esperamos Supermarket
E supermerkado ku tin mas produkto pa baby den stòk a resultá Esperamos Supermarket. Di e 59 produktonan ku a keda anotá, Esperamos tin un kantidat di 44 produkto den stòk. Seguidamente na di dos lugá nos tin Bon Bini Supermarket ku un kantidat di 43 produkto i na di 3 lugá De Ruyterkade Supermarket ku 42 produkto.
Fundashon pa Konsumidó ta sugirí tur konsumidó pa konsultá e lista di komparashon i wak unda ta kumbiní pa kumpra produktonan di baby. Por último, no lubidá di kontrolá fecha di vensementu riba etikèt di e produkto ku bo tei kumpra.
Pa kualke pregunta òf remarke tokante di e komparashon di preis por yama Fundashon pa Konsumidó via telefòn na 462-6666. Si
bo ta interesá di risibí e lista di
komparashon di preis, manda nos
un e-mail na