Una señora a hañ’é obligá ta kambia e manera kon e skibi nòmber di su konosínan den su telefon selular despues ku un malechor a hòrta su tas. Den su tas e tabatin entre otro su telefon selular, pòtmòni i tur su karchinan di banko. 20 minüt mas lat, despues di a kaba di hèndel e kaso na polis, e ta yama su kasa pa kont’é kiko a pasa kuné, e kasa ta bira bis’é: “ma risibí bo SMS puntrando pa nos number di pin i m’a kaba di kontesta un ratu pasa." Mesora nan a sali na kareda bai banko, pero ya e malechor a logra lanta tur sèn for di nan kuenta kaba.
E ladron sabí a usa e telefon selular hòrtá pa manda un mensahe di teksto na 'mi kasa’ den e lista di kontakto di e señora i asina a haña e informashon ku e ta tin mester. Tur esaki den apénas 20 minüt despues di a kometé e robo.
Moraleha di e kaso aki:
1. Nunka revelá e relashon entre
abo i e hendenan den bo lista di
kontakto. Evitá usa nòmbernan
manera Kas, Kasa, Mi dushi, Tata,
Mama, Yu òf nòmbernan por el
estilo.
2. Ora informashon valioso i
sensibel wòrdu pidí via mensahe
di teksto, konfirmá esaki promé,
pa medio di un yamada
telefóniko.
3. Meskos tambe semper Konfirmá
promé, invitashonnan ku bo
haña via di mensahe di bo
amigu- i famianan’. Sigur si esaki
ta invitábo na lugánan isolá.. Si
bo no logra haña un
konfirmashon telefóniko, sea
kuidadoso.. por ta otro hende ta
usando e telefon ei na e
momentu ei!
Den e era digital aki, kaminda ku un telefon selular bo tin un mundu di informashon i posibilidat na bo alkanse, e mesun telefon ei por ta bo desgrasia tambe!
AKTUALIDAT
Pikadura di insektonan
E propiedatnan kurativo di siboyo ta bon desinfektante kontra piká i mordé de bestia, spesialmente di insektonan. Traha un kòmprès di siboyo machiká i smer’é riba e área afektá.
Un pestisida natural
Pone 2 siboyo kòrtá den un pòchi i bo ta mira ku
vruminga i kakalaka no ta yega serka.
Loshon pa kueru di kabes
Siboyo ta yuda eliminá kaska den kabei i
ta yuda konserva bo kabei. Ttraha un djus
di e siboyo i frega esaki den bo kueru di
kabes.
Pa kabei
Pa esnan ku tin problema ku kresementu di
kabei, pa bo kabei lusi saludabel i bunita,
kòrta un siboyo na pida pida i pone esakinan
den bo bòter di shampu. Lag’é para mas o ménos
15 dia. Despues di esei bo por kuminsá usa e shampu.
No preokupábo si e hole un tiki, ora e kabei seka di mes e holó tambe ta kita.
Bo sa ku siboyo por wòrdu uzá pafó di bo kushina tambe?
Telefon selular
hortá fo'i outo