DEN CHIKÍ
BATATA TA SALUDABEL?
Un artíkulo chikí pero interesante saka for di Consumentenbond.
Pa mantené e kurpa slank i elegante no nesesariamente mester evitá di kome batata. Batata siertamente ta kontené hopi kolhydrato, pero e ta yenabo bon. P’esei mayoria biaha un hende ta kome ménos di dje ku ora e ta kome aros òf pasta.
Un porshon di batata ta kontené ménos kilokaloria ku aros òf pasta, asta ora bo traha batata machiká i agregá un tiki lechi light i/ òf manteka aden.
Banda di esei batata ta kontené vitamina B6 ku ta importante pa un bon funshonamentu di bo sistema imunológiko i e sistema nervioso, vitamina C, ásido fóliko i fibra.
Komo mama hopi biaha nos ta drùk parti mainta drechando tas i kos di kome pa e muchanan, zòrg pa e kasa ta na tempu i nos ta lubidá riba nos mes. Kuantu di nos, pa e motibu ei, no tin por ehèmpel un kaha di cornflakes den lachi skondí òf ta pasa wak un pastechi promé ku yega trabou? Pa un desayuno a base di sereal ta saludabel, ta bon pa bo sa ku esaki mester kontené ménos ku 10 gram di suku pa porshon. Si e ta kontené mas ku e 10 gram aki, simplemente lo ke bo ta komiendo ta bira un pasaboka ku bo ta usa komo desayuno.
Tene kuenta ku si bo kurpa risibí demasiado suku
fo’i mainta, esaki por okashoná ku bo sistema
por krèsh, lo ke lo no ta un eksperiensha agradabel. Pa mantené bo kurpa i bo stoma satisfecho te ora
di lùnch, ta rekomendabel bo usa serealnan ku ta kontené al ménos 3 gram di fibra pa porshon. Mesun kos ta konta pa proteina; Serealnan ku tin mas di 5 gram di proteina por porshon te mantené bo yen i ta evitá ku bo ta keda kome pa loko durante dia.
DEN CHIKI
Konsumidó ta puntra:
Ken ta responsabel pa e pèrdida di goso di mi vakashon?
Konsumidó a buk un biahe ku tur kos inkluí via un kompania di biahe pa ela bai pasa su vakashon na Argentina. Pa motibunan di wer malu lástimamente e avion ku mester a hib’é su destinashon a hañ’é ta bira bek. Su siguiente dia a reanudá e vuelo i konsumidó por a yega su destinashon di su vakashon. Dor di esaki konsumidó a pèrdè un dia di goso, di hotèl i di su outo ku e la reservá i paga p’e. Su pregunta awor ta: ken ta responsabel pa e pèrdida sufrí aki?
Kontesta: Si un pakete di biahe no kana manera e kliente a spera, na promé instante ta e organisadó di e biahe ta responsabel pa esaki a ménos ku ta pa motibunan d forsa mayó (overmacht). De e kaso aki, konsumidó no por a yega su destino konforme palabrashon pa motibunan di wer malu. Esaki ta algu ku no por buk riba kuenta di e organisadó. Pues, kualke keho ku konsumidó na entregá kontra e organisadó di e biahe, lo wordu rechasá, argumentando forsa mayó.