Sali ku amigu, hasi ehersisio, gana un premio, lesa un buki ... ta kosnan chikí ku ta laga bo sinti bo mes bon. Pero bo a puntra bo mes, “dikon chukulati ta laga bo sinti felis”?
Tin dia bo ta sinti bo mas kansa i sin animo kompará ku otro dianan. Bo ta deseá di ta sosegando òf simplemente ta den un Spa. E siman aki bo ta tin un di e dianan ei i bo a pensa di bai ku bo kompañera (o) nan bai kumpra un chukulati. Despues di a kome chukulati, kasi mes ora bo a sinti bo yen di energia. Asta el a drecha bo humor. Aunke bo no ta un hende ku ta gusta kos dushi, pero pa algu motibu , sin aplikashon bo gusta chukulati si. No solamente pa su smak, sino ku e realidat ta manera kos ku chukulati tin un influensia positivo riba un persona su komportashon.
De paso, esaki ta algu ku bo ta mira hopi den propagandanan i pelíkula tambe. Ora nos ta tristu nos ta kome chukulati pa nos sinti nos bon. Ora nos ta den un relashon ku un persona i e regalá nos chukulati, nos ta sinti nos mas enamorá.
Bo ta rekonos’é e situashon aki?
E relashon entre chukulati i felisidat
En general hende tin e tendensha di relashoná komementu di chukulati ku felisidat. Esaki ta algu ku empresanan manera Hershey’s deliberadamente ta promové den nan kampañanan di promoshon digital. Mas aya di ta algu ku nos ta wak den propaganda, tin rasonnan sientífiko ku ta demostrá ku di bèrdat komementu di chukulati ta hasi bo felis.
Chukulati ta ser trahá di kakou i e benefishinan prinsipal ta bini di esaki. Ta importante pa usa esaki mas puru posibel, ya ku einan e forsa i evitá esnan ke a ser prosesá y tin demasiado ingrediente agregá.
Un bon chukulati ta konsistí di mas ku 300 kímikonan natural.
Algun di nan ta afektá e seleber humano lagando neurotransmisores lòs, kualnan ta responsabel pa nos emoshonnan i kon nos ta sinti nos mes.
Algun komponente ku chukulati tin i e efekto den nos kurpa.
1. Triptófano: aminoácido ta esensial pa nutrishon di hende. E seleber ta uz’é pa traha serotonine, un supstansha kímiko ku ta fungi komo neurotransmisor, ku ta responsabel pa nos eksperenshá e sentimentu di felisidat.
2. Feniletilamina: amino-aromátiko ku ta ser asosiá ku e promé euforia di enamoramentu. E ta promové e sintimentunan di emoshon i atrakshon. Ademas e ta traha komo anti depresivo ora kombin’é ku e dopamina ku tin den e selebre humano.
3. Teobromina: supstansha ku tin ku ta presentá diuréticas, vasodilatadoras i e relajacion di spir. E ta famia di metilxantinas, ku tambe bo ta haña den kafeina. E ta stimulá e sistema di nervio i ta kousa un sensashon di plaser i bienestar.
4. Flavonol: e tipo di antioxidantenan aki ta prevení biramentu di bieu di e sèlnan i prosesonan di degradashon. Ademas dor konsumié por lo ménos un biaha pa siman, e ta stimulá e sirkulashon di sanger den e área di seleber ku ta promové e memoria
Ta bèrdat ku Chukulati ta hasi hende felis?
Chukulati ta hasi hende felis?