DEN CHIKí
DEN CHIKí
Mi kompania di seguro a avisámi ku si mi mester cliam un biaha mas, nan lo subi mi premi of asta tin chèns di sakami for di e seguro ya ku den e lastu 5 añanan na numeroso okashon mi a hayami den un aksidente I a claim konforme mi pólisa. Pregunta: Seguro por hasi esaki?
Kontesta: Un kompania di seguro, ora e ta nota ku un konsumidó ta claim hopi, por subi e premi, baha e nivel di kobertura òf te asta kanselá bo seguro. Esaki pasobra e rísiko ku den futuro lo tin dañonan ta muchu grandi i no ta atraktivo pa tenebo komo asegurado. Esaki mester ta pone bon kla si den e pólisa di bo seguro i huntu ku esaki mester tin un periodo di aviso di kanselashon mara na dje. Den mayoria kaso bo seguro lo mèldu bo promé ku yega asina leu. Den kualke kaso, pidi bo seguro tòg pa mes splikashon di e posishon aki.
MI KOMPANIA DI SEGURO POR PARA OF SAKAMI FOR DI SEGURO SI MI TA
HOPI?
ARMA BO MES MAKUTU BASIKO E TEMPORADA AKI
Ku e aparente skarsedat i “inflashon” ku tin di i riba sierto alimentunan básiko i kustumbrá riba nos menú, e búskeda di maneranan pa spar algu èkstra i tòg haña loke bo ke, ta bira poko mas fasil, si nos sa di antemano kiko tur nos tin mester (e lista) i kuantu sèn nos tin pa esaki ( presupuesto).
Konseho pa kumpra sabi:
Promé ku sali kas, revisá e kashi kushina i eiskast i traha bo lista di produktonan ku bo lo bai tin mester
Plania bo menúnan di siman. Esaki lo yudabo ekonomisá ya ku lo bo ta kumprando solamente loke bo ta bai tin mester, i e kantidat nesesario. Kuminda ku mester tira afó, ta meskos ku sèn tira afó..!!
Tene bo mes na altura di ofertanan. Oferta ta oferta, basta ta kos ku bo mester di dje na e momentu ei. Si ta produktonan di konsumo chek fecha di vensementu promé bo kumpra esaki.
Si p.e. yoghurt den paki ta den oferta na 70% di deskuento pasobra e fecha di vensementu ta aki 8 dia, analisá pa bo mes ku si bo kumpr’é, si lo bo ta bai usa esaki nan den e tempu definí ei. Si ta si, dal bai i probechá di e oferta..!!
Remplasá loke no tin òf loke no por. Si bo a kustumbrá kome sierto alimentunan ku último tempunan a bira skars òf ta pasa bo límite finansiero, ta konsehabel pa sea remplasá e produktonan aki pa algu otro òf eliminá nan temporalmente di bo makutu di kompra. E eskoho ta di bo. Skohe sabi..!
No mara bo mes na kustumber. Si semper bo a kustumá kumpra tal marka, talbes awor te ora probechá purba algun otro marka i smak. Lo bo por keda gratamente sorpresá ora bo riba ku e smaknan no ta varia dje tantu ei pero den preis si. Bo tabata sa ku tin fábrikanan grandi ta traha e mesun produkto pero ku diferente marka? mesun juice pero ku diferente etikèt?
Pasaboka pa mucha?
Tene kuenta ku un
gran mayoria ta hopi zut
Mama mi amor,
ku ki emoshon,
entusiasmo i alegria
mi a mira e dia aki habri
Mama di mi kurason,
Awe ta bo dia.
No tin un regalo ku por simbolisá e amor infinito ku mi tIn pa bo.
Bo balentia ta inspirá i motivá mi pa ta un mihó hende.
Ki regalo por ta refleho di mi apresio pa bo?
Material lo no ta sufisiente.
P'esei mi ke demostrá bo mi stimashon, amor, apresio i kariño den forma di un sunchi.
Mama risibí e sunchi aki,
Ku ta yená ku apresio, amor i kariño for di fondo di mi kurason.
Agradesido mi ta di por tin mama manera bo.
Danki pa bo amor sinsero i bo kuido maternal.
Señor,
Yena mi mama ku bida, salú i bendishon
Pa nos por sigui disfrutá di su presensia meimei di nos, tur dia di nobo.
.
Felis dia di mama, mama mi amor.
Mi kompania di seguro a avisámi ku si mi mester cliam un biaha mas, nan lo subi mi premi of asta tin chèns di sakami for di e seguro ya ku den e lastu 5 añanan na numeroso okashon mi a hayami den un aksidente I a claim konforme mi pólisa. Pregunta: Seguro por hasi esaki?
Kontesta: Un kompania di seguro, ora e ta nota ku un konsumidó ta claim hopi, por subi e premi, baha e nivel di kobertura òf te asta kanselá bo seguro. Esaki pasobra e rísiko ku den futuro lo tin dañonan ta muchu grandi i no ta atraktivo pa tenebo komo asegurado. Esaki mester ta pone bon kla si den e pólisa di bo seguro i huntu ku esaki mester tin un periodo di aviso di kanselashon mara na dje. Den mayoria kaso bo seguro lo mèldu bo promé ku yega asina leu. Den kualke kaso, pidi bo seguro tòg pa mes splikashon di e posishon aki.
Mama Stimá
Dediká na mi
Buskando E regalo
pa dia di mama...
E ta sosodé tur aña. E siman promé ku dia di mama bo ta kibra kabes, kore aki i aya buskando e regalo ideal pa mama. Tin asina tantu opshon, kual ta hasi e proseso pa skohe i kumpra un regalo difísil. Ta bon pa bo analisá kiko ta e kosnan ku bo mama lo gusta i apresiá.
Regalo personalisá
Loke sigur lo agradá mayoria mama ta un regalo personalisá. Por ehèmpel algu ku bo mes a krea, den kual bo por ekspresá bo sentimentunan ku bo propio palabranan. Loke tambe ta masha in aworakí, ta regalá e persona algu ku bosa e ta gusta masha. Pues si bo mama ta gusta bebe su kòfi òf te mainta, ‘what about’ regal’é un kòpi bunita ku sea ku boso potrèt òf ku un mensahe spesial ariba? Algu ku bo mes a traha sigur lo e apresiá di kurason.
Shòp sabí
Si bo pensando pa kumpra algu “kant en klaar” pa e ser speshal aki, lo ta ideal si bo sa su gustu i smak i kumpra algu dirigí ku bo sa sigur lo e disfrutá di dje. Promé ku kumpra si semper korda e regla di oro, esta kompará preis, kalidat, garantia, servisio i ofertanan di diferente kompania promé.
Algun idea den bo buskeda di e regalo perfekto pa dia di mama:
Si mama ta un hende ku gusta bon ambiente bo por regal’é un karchi pa un show spesial pa dia di mama. E dianan aki ta hopi tin..!Si bo mama gusta ta nèchi i bon bisti tur momento, talbes un kadobòn di su pakus faborito òf di su perfume preferí lo ta ideal p’e. Pa e mama ku ta gusta mata òf esun ku gusta tene nan kas nèchi, Kòrsou tin diferente negoshi speshalisá kaminda sigur lo bo haña algu di su smak. Pa e mama lesadó, un kabobon òf e buki di su eskritor preferí sigur lo e apresiá.
Fundashon pa Konsumidó ke hasi un apelashon riba tur konsumidó pa ta kumpra konsiente den e dianan aki. Tempu ta difísil, kosto di bida ta subiendo tur dia, pues nos mester ta konsiente kiko nos ta kumpra i kuantu sèn nos ta dispuesto pa gasta. Aunke mama bal tur e oro di mundu, ta bo pa bo tene kuenta si ku bo pòtmòni den e dianan aki tambe ta keda bo responsabilidat.
Importante ta pa no mustra nos mama amor, apresio i respet. I no lubida, ta tur dia (mester) ta dia di mama.