Kontraktnan hustu den palabranan simpel i kompredibel pa kada konsumidó
Konsumidó mester risibí e servisio ku el a keda prometé.
Fakturanan transparente, komprendibel i honesto.
Konsumidó mester tin poder i akseso riba su propio informashon
Kompanianan di telefon mester tende i respondé riba kehonan di konsumidó
dia INTERNASHONAL DI DERECHINAN DI KONSUMIDó
Aserkando e Dia Internashonal di Derechinan di Konsumidó 2014, Konsumidónan Internashonal (CI), lo dediká atenshon na reto- i problemanan ku konsumidónan rònt mundu ta enfrentá. Tur esaki lo kulminá den e siman di 15 di mart. Huntu ku tur e otro organisashonnan di konsumidó na mundu, Fundashon pa Konsumidó ke yega na kambionan signifikante na manera ku konsumidónan di servisionan selular ta keda tratá.
Aktividatnan di tur miembronan di Konsumidónan Internashonal (CI) lo keda distribuí via e mapa di aktividat di WCRD. E intenshon ta pa lokal i internashonalmente pidi i haña atenshon di kompanianan di telekomunikashon i di gobièrnu riba e tema.
E agènda di CI pa Derechi di Telefòn
CI ta desaroyando un WCRD-agènda 2014 pa Derechi di Telefòn. Riba e agènda lo tin temanan ku organisashonnan di konsumidó lo mester pone riba nan agènda lokal pa trata ku kompanianan di telekomunikashon i ku gobièrnu. Temanan ku ta afektá nos konsumidónan rònt mundu. Algun di e temanan ta:
Bo por imaginábo un mundo sin telefon selular? Den algun aña telefon selular a bira un parti indespensabel di nos bida i ya ta optenibel na kasi tur pais na mundu. Ku e kantidat di konsumidónan ku ta usa un telefon selular aserkando 7 bion, ki sorto di servisio nan ta risibiendo?
Konsumidónan ta haña un trato honesto? E kampaña 2014 di Dia Internashonal di Derechinan di Konsumidó, 2014 World Consumer Rights Day (WCRD), “Drecha Nos Derechinan di Telefòn!”, “Fix Our Phone Rights!”, ta dediká pa ataká problemanan di konsumidónan di servisionan mobil.
Dia Internashonal di Derechinan di Konsumidó a keda establesé riba 15 mart 1983 pa promové derechi di konsumidó rònt mundu. Pa Dia Internashonal di Derechinan di Konsumidó 2014, Consumers International ta yama tur su miembronan pa pone énfasis riba problemanan di konsumidónan ku ta stroba i frustra e éksito di e teknologia nobo aki.
tur mauris.
Na 2013 un estimashon di 6.8 bion di hende ta poseé un telefon selular. Na 2011 e sifra aki tabata 6 bion i na 2010 e tabata 5.4 bion. Na mes momentu, servisionan selular a transformá for di un telefon djis pa papia i bira un mini-kòmpiuter ku ta duna nos akseso na informashon i servisionan ku ta krusial pa nos bida i salú. Un telefon selular no ta mas un opheto di luho i kumbiniensa pero mas ta birando un hèrmènt pa empoderá suidadanonan i konsumidónan. Akseso na konektividat mobil ta birando un nesesidat.
Dikon Derechi Di Telefòn ta importante?
Bira involukrá