Enkuesta Nashonal di Salibridat
Porsentahe di sobrepeso i obesidat
62.6% di hende hòmber i 67.3% hende muhé tin problema ku sobrepeso of obesidat. Esaki ta igual ku 32.148 hende hòmber i 43.941 hende muhé mas bieu ku 18 aña.
Malesanan króniko
Malesanan króniko manera preshon haltu, diabetis i kòlesteròl haltu ta aparesé mas serka personanan ku sobrepeso of obesidat. Preshon haltu ta prevalesé 2 biaha mas tantu serka personanan ku sobrepeso of obesitas ku serka personanan (hòmber i muhé) ku peso normal.
Kome fruta i fastfood
E grado di sobrepeso tantu serka hende hòmber i muhé ta mas haltu na medida ku personanan, tantu hòmber i muhé ta kome ménos berdura. Pa hende hòmber tin un bahada signifikante di obesitas serka esnan ku ta kome ménos fastfood. 8% di adultonan ta kome fastfood 4 biaha pa siman of mas.
Inaktividat
Kasi mitar di adultonan (47%) ta inaktivo. Esaki ta nifiká ku den e 7 dianan promé ku e enkuesta niun dia no a hasi 10 minüt of mas di ehersisio. Voral hende muhé ta inaktivo.
Volksgezondheid Instituut Curaçao a tene un enkuesta di populashon pa hasi un estudio di salú di poblashon. E enkuesta bou di poblashon ta duna informashon tokante di eksperensha di salú, keho di salú, uso di kuido médiko, faktor di rísiko den komunidat i e ta duna oportunidat pa analisá e data di status demográfiko, sosio-ekonómiko i edat. Resultado prinsipal di e parti di obesidat ta duna ku 2 di kada tres adultu tin problema ku sobrepeso òf obesitas. Algun resultado mas tokante Obesidat:
E rappòrt kompletu di VIC por keda deskargá riba e wèpsait di
Ministerio di Salubridat Públiko, Medio Ambiente i Naturalesa via e link aki.
Tambe bo por hasi e tèst Kon ta ku bo salu? pa asina bo tin un bista di bo estado di kondishon.
Ban kombatí obesitas
i sobrepeso