2Tambe ta rekomendabel pa bo hasi mas tantu uso di Wifi. Si bo tin ADSL na kas, pone un router pa asina ei, bo por tin Wifi den kas. E mihó manera pa evitá sobreuso i tene e kantidat di data ku bo ta usa abou, ta dor di konektá mas tantu posibel riba Wifi sea na kas òf otro lugánan ku tin Wifi disponibel. Ora bo ta download sierto aplikashonnan riba bo tèblet òf telefòn inteligente, usa Wifi i no hasi uso di bo 3G/4G+. Promé ku bo kuminsá download, wak pa bo ta konektá riba Wifi. Sierto aplikashonnan mes ta detektá ku bo ta usando sea 3G òf 4G++ i lo puntra bo pa konfirmá si bo ke sigui ku e download. Preferibel kanselá e download na e momentu ei i warda te ora bo tin Wifi pa download e aplikashon. Si ta video bo ke wak riba YouTube, stream pelíkula òf hasi (òf risibí) un yamada via Skype, sòru pa bo ta konektá riba Wifi pa asina evitá sobreuso.
3Un otro medida ku bo por tuma pa tene bo uso di data abou ta paga sierto aplikashonnan ku ta usa hopi data. Ora bo download sierto aplikashonnan riba bo telefòn inteligente, manera Facebook, e aplikashonnan aki ta keda notifiká bo den kaso ku por ehèmpel un hende manda bo un mensahe. Sierto weganan tambe ta manda bo notifikashon regularmente si nan tin ofertanan nobo. Push-mail tambe ta hasi uso di hopi data. Mayoria telefòn tambe tin servisionan di GPS. Purba hasi ménos uso di e servisionan aki. E aplikashonnan aki konstantemente ta komuniká ku e nètwèrk lokual ta pone ku nan ta hasi uso di hopi data. Paga nan mas tantu posibel pa asina evitá sobreuso.
4Online tambe bo por haña sierto programanan ku ta monitòr bo uso di data. Esaki tambe por ta un instrumento efektivo pa evitá ku fin di luna bo ta haña bo konfrontá ku un resibu haltu pa motibu di sobreuso. Si ta telefòn inteligente òf tèblet bo tin, bo por instalá riba nan sierto aplikashonnan pa asina monitòr bo uso di data. Algun ehèmpel ta: “Data Monitor” òf “Data Control App”.
E mihó manera sigur Ban hasi uso konsiente. Kòrda ku e responsabilidat final ta serka bo mes.
Internèt 3G/4G+ i e problema di overusage
Di data selular