Konsumidó Alertá Volumen 4, febrüari 2014 | Page 14

Banda di produktonan di karni i fruta i berdura, Fundashon pa Konsumidó entre 24 di yanüari i 5 di febrüari 2014 a bishitá e diferente supermerkadonan pa anotá preisnan di un makutu pre-selektá di produktonan básiko. A bishitá un total di 18 supermerkado. Komo ku tabatin 3 supermerkado ku ainda tin nan preisnan sin OB, lokual ku ta un violashon di nos lei, Fundashon pa Konsumidó no a inkluí e preisnan aki den e resultado di e komparashon di preis. Fundashon pa Konsumidó ke kòrda un i tur ku for di 1 yanüari 2014 tur preis mester inkluí OB.

Nos makutu pre-selektá di produktonan básiko ta kontené 136 produkto ku Fundashon pa Konsumidó ta konsiderá produktonan di promé nesesidat. E makutu aki ta kontené produktonan manera aros, zeta, papel di wc, habon pa laba tayo i makaroni.

Alves e supermerkado ku mas produkto pre-selektá na e preis di mas abou

A base di nos komparashon di preis nos por konkluí ku den yanüari 2014 Alves tabata e supermerkado mas barata pa loke ta trata nos selekshon di produktonan di promé nesesdiat. Alves tabatin 37 di e 136 produktonan riba nos lista na e preis di mas abou. Centrum Mahaai ta bin na di dos lugá ku 25 di e 136 produktonan den nos makutu na e preis di mas abou. Esperamos ta bin na di tres lugá ku 21 di e 136 produkto riba nos lista na e preis di mas barata.

Centrum Mahaai e supermerkado ku mas produkto pre-selektá den rèki

A base di e resultadonan di e komparashon di preis, Centrum Mahaai a sali e supermerkado mihó surtí pa loke ta trata nos makutu di produktonan básiko. Centrum Mahaai tabatin 116 di e 136 produktonan básiko riba nos lista den rèki na momentu ku Fundashon pa Konsumidó a pasa pa anotá preis. Alves ta okupá e di dos puesto ku 112 di e 136 produktonan riba nos lista di produktonan básiko den rèki na momentu ku Fundashon pa Konsumidó a bin anotá preis, miéntras ku Esperamos i Mangusa Hypermarket ta kompartí e di tres puesto ku 103 di e 136 produktonan pre-selektá den rèki.

Diferensia konsiderabel den preisnan di sierto produkto

Por lo general Fundashon pa Konsumidó a tuma nota ku no tin masha diferensia den e preisnan di e produktonan básiko den e preisnan di e produktonan básiko pre-selektá. Di e 136 produktonan pre-selektá tabatin algun ku si tabata eksepshon riba esaki i riba kua tabatin diferensia di preis konsiderabel.

Esun ku sigur a hala mas atenshon tabata e diferensia di preis pa hariña di trigo marka Gold Medal di 10lbs. Miéntras ku Arco Iris is Esperamos tabata bende esaki na e preis di mas abou ku ta fl. 12.62,

KOMPARÁ I KUMPRA