produktonan ku ta liber di OmzetBelasting
Komo ku periódikamente Fundashon pa Konsumidó ta hasi komparashonnan di preis bou di e diferente supermerkadonan i botikanan, nos a bin ta tuma nota ku tin ora sierto komersiantenan no ta apliká e tarifanan di OB korekto. Komo resultado, komersiantenan ta kobra OB riba produktonan ku segun lei ta eksonerá di kobransa di OB.
Ademas di konsientisá e komersiantenan, nos ta haña ku ta di sumo importansia pa kada konsumidó tambe ta na altura di e lista di produktonan ku ta eksonerá di OB pa asina nan mes por kontrolá e komersiante. Despues ku Parlamento a pasa e lei den aprel 2013, Ministerio pa Desaroyo Ekonómiko a saka un lista mas detayá di e produktonan riba kua no tin ku paga OB. E siguiente informashon tokante e produktonan spesífiko eksonerá di OB ta basá riba e lista publiká dor di Ministerio pa Desaroyo ekonómiko.
E lei ku a pasa Parlamento den aprel 2013 ku a ekspandé e lista di produktonan ku ta wòrdu eksonerá di OB a kambia artíkulo 7 insiso 1 a i b di Landsverordening Omzetbelasting 1999, pa asina ei eksonerá e siguiente produktonan tambe di omzetbelastng (OB):
For di 1 mei 2013 un konsumidó no tin ku paga OB riba diferente produktonan ku gobièrnu ta konsiderá produkto di promé nesesidat. Na momentu ku a kambia e Landsverordening omzetbelasting 1999, a ekspandé un lista di produkto- i servisionan riba kual no tin ku paga OB, ku nuebe (9) produkto òf kategoria di produkto ku wòrdu konsiderá komo produktonan básiko.
DERECHI I DEBER