Konsumidó Alertá Volumen 4, febrüari 2014 | Page 10

Faktura transparente, komprendibel i honesto

Un konsumidó no mester haña faktura pa servisio ku e no a kumpra òf pidi p’e. Konsumidónan ta eksihí transparensia i honestidat den fakturanan ku nan ta risibí. I tambe protekshon kontra froude ku faktura.

Kontraktnan hustu den palabra i lenga simpel, komprendibel i aksesibel pa kada konsumidó

Hopi biaha konsumidónan ta sinti nan mes hòrtá dor di nan kompania di telekomunikashon. Sea ta dor di kontraktnan inhustu òf dor ku nan no a komprondé loke nan a firmá. Kompanianan di telekomunikashon mester semper proveé e konsumidó ku tur informashon relevante spliká na plaka chikí pa asina e konsumidó por hasi uso di su derechi di tuma un desishon konsiente basá riba bon informashon.

Konsumidó mester risibí e servisio ku el a keda prometé.

Un konsumidó ta kumpra su servisio selular pa por komuniká i tin akseso na informashon. Ta mas ku lógiko i razonabel ku e ta spera ku e servisionan aki ta konsistente i di kalidat haltu sin ku esakinan ta kai afó òf keda deskonektá.

Kompanianan di telefon mester tende i respondé riba kehonan di konsumidó

Kada kompanianan di telekomunikashon mester tin un sistema di keho efektivo, i si un konsumidó no ta satisfecho ku trato di su keho e mester tin un kaminda mas aleu pa kana pa haña un veredikto imparsial riba su keho. Mester tin manera- i prosesonan transparente di sanshon pa práktikanan inhustu i di abuso di parti kompanianan di telekomunikashon.

Konsumidó mester tin poder i akseso riba su propio informashon

Kompanianan di telekomunikashon i tambe reguladó di telekomunikashon mester sòru pa protehá datonan ku konsumidónan ta duna pa usa servisionan mobil. Dunando akseso na nos datonan personal pa asina drecha nos eksperiensha di uso di un selular, ta nifiká tambe ku e derechi di seguridat di un konsumidó por keda afektá i komprometé. Kada konsumidó mester por tin influensha riba kon su datonan ta keda tratá i kon esakinan ta keda usá.

Tópikonan ku ta keda tratá riba dia Internashonal

di Derechinan di Konsumidó

INTERMEDIO