komparashon di preis di supermerkado
ALVES SUPERMERKADO KU MAS PRODUKTO SELEKSHONá NA E MIHO PREIS
Cost U Less tabata bende e produkto aki pa fl. 21.99; un diferensia di fl. 9.37. Nos tin ku remarká si ku ta 8 supermerkado tabatin e produkto aki den rèki i su preis promedio tabata fl. 15.99.
Un otro diferensia konsiderabel den preis nos por a mira riba hariña di trigo marka Pillsbury di 5 lbs. Miéntras ku Centrum Mahaai tabata bende e produkto na e preis di mas abou ku ta fl. 5.96, Centrum Piscadera tabata bende e produkto aki pa fl. 11.70; un diferensia di 5.74. Nos tin ku remarká si ku solamente 5 supermerkado tabatin e produkto aki den rèki i e preis promedio tabata fl. 7.52.
E diferensianan di preis ariba menshoná tabata e diferensianan mas grandi ku Fundashon pa Konsumidó a tuma nota di dje den e produktonan pre-selektá ku ta forma parti di nos makutu di produktonan básiko. Algu ku sigur Fundashon pa Konsumidó ta lamentá ta ku e dos produktonan aki ta produktonan ku gobièrnu mes ta konsiderá produktonan di promé nesesidat i komo konsekuensia di esaki ta eksonerá di OB. Gobièrnu a hasi esaki pa asina baha e preisnan di e produktonan aki.
Tene na kuenta si ku Fundashon pa Konsumidó no ta kompará kalidat òf orígen di e produktonan den su komparashon di preis. E kalidat i orígen di e produkto por tin influensia riba haltura di e preis.
Konsultá bo tabèl
Pa fasilitá i pa informá nos konsumidónan mas mihó, Fundashon pa Konsumidó a pone diferente preisnan di produktonan di nos makutu di fruta i berdura den un tabèl ya asina kada konsumidó por tin un bista mas amplio na kua supermerkado ta mas kumbiniente pe hasi su kompranan. Tur interesado ku kier haña kopia di e tabèlnan aki por tuma kontakto ku ofisina di Fundashon pa Konsumidó na telefon: 462-6666 òf via e-mail: [email protected]. Por wak e tabèlnan tambe riba nos wèpsait: www.fundashonpakonsumido.org.