Konsumidó Alertá Volumen 39 Yanuari 2018 | Page 5

DEN CHIKí

Protehá

Bo Oido

Den temporada

di Karnaval

Nos ta den temporada di

karnaval. I ku 4 marcha i algun jump-up nos dilanti, nos oreanan sigur lo por sinti konsekuenshanan di muzik duru, si nos no paga bon tinu durante e fiestanan aki. Pa protehá bo oido mas tantu posibel, dòkternan eksperto den e materia aki ta rekomendá e regla di 60/60; skucha muzik na 60 porshento di su volúmen pa máksimo 60 minüt pa biaha.

Tin dòkter asta ta sugerí pa bai e 60/60/60. Esta, banda di baha e nivel dje volúmen na 60% i kontrolá kuantu tempu bo ta pasa eksponé na muzik duru (máksimo 60 minüt pa biaha), ta ideal tambe pa tuma un pouze di 60 minüt.

Banda dje regla di 60/60/60 tin mas akshon ku un hende por tuma pa anulá òf sikiera minimalisá e riesgonan pa ku bo oido. Ku mira riba e temporada di Karnaval aki:

1. Usa headphone ku ta blòkiá e zonido di pafó na lugá di usa “earpiece”. E aparatonan di kabes aki ta ideal ya ku nan ta laga bo skucha bo muzik preferí sin tin di pone e spiker dirèkt den bo orea. Tin modèlnan riba merkado ku asta por regla e muzik na e desibèl adekuá.

2. Durante marchanan òf parada, esnan ku ta marcha, trata na skohe un sitio mei mei di e parada pa mantené bo mes leu for di e spikernan. Usa 'oordopjes' semper.

3. Pa esnan para kant’i kaminda, sòru pa bo tin semper bo “oordopjes” bistí. Bo por haña oordopjes kumpra e.o. na botika pero por aserka Quota Club Korsou tambe si por ehèmpel bo tin un grupo

di Karnaval.

Ban gosa dje temporada di alegria i lokura aki,

pero laga nos kuida nos oreanan i protehé nos oido!