DEN CHIKÍ
DEN CHIKí
BATATA TA SALUDABEL?
Un artíkulo chikí pero interesante saka for di Consumentenbond.
Pa mantené e kurpa slank i elegante no nesesariamente mester evitá di kome batata. Batata siertamente ta kontené hopi kolhydrato, pero e ta yenabo bon. P’esei mayoria biaha un hende ta kome ménos di dje ku ora e ta kome aros òf pasta.
Un porshon di batata ta kontené ménos kilokaloria ku aros òf pasta, asta ora bo traha batata machiká i agregá un tiki lechi light i/ òf manteka aden.
Banda di esei batata ta kontené vitamina B6 ku ta importante pa un bon funshonamentu di bo sistema imunológiko i e sistema nervioso, vitamina C, ásido fóliko i fibra.
Un investigashon hasi pa Universidat di Princeton a revelá eksistensha di por lo ménos 480 websites ku ta registrá kiko usuarionan di Internet ta tek i wak, sa e kontra-senjanan, i kolektá i ta analisá e datonan aki. Segun e investigadónan, nan ta pensa ku ainda lo tin muchu mas. Algun dje websitenan aki ta: Adobe, Microsoft, WordPress,HP, Logitech, Spotify, Samsung i Kaspersky.
Tambe moveshonnan ku bo hasi ku e mouse ta wòrdu registrá i analisá. E meta prinsipal di e atministradónan di websitenan tras di e aktonan aki ta únikamente pa purba mehorá nan website. E “spionamentu” aki ta sosodé ku mekanismo di análisis di kompanianan di Internet manera Hotjar, Smartlook i Yandex (ruso).
E kompanianan aki ta eksperto den analisá komportashon di usuarionan riba enkargo di un website. Ta bon pa bo sa ku e chèns ku e datonan aki ta kai den mannan robes ta masha chikí. Konforme lei di privasidat Europeo i Hulandes, ta estriktamente prohibí pa bende datonan kolekta ku a kolekta. Ademas e adblocker UBlock Origen ta blòkia e sistema di moda ku no por manda informashon afó.
Tin privasidat online?
Fanátikonan di suplementonan ku ta kere ku pasombra ta usa suplementonan vitamíniko nan por paga poko atenshon na nan alimentashon, pa e suplementonan vitamíniko tòg ta komplementá nan alimentashon diario, ta kompletamente robes. Den nos alimentunan tin muchu mas supstanshanan ku solamente vitamina i mineralnan ku nos tin mester pa hiba un bida saludabel. Kua supstanshanan esaki nan ta, i kuantu di nan nos mester, ainda no por definí esaki presis. Konsekuentemente nan no ta den e suplementonan, pero nan tei si den nos kumindanan. Ora bo dal un dje píldoranan di vitaminanan aki e por yuda ku sierto defisiensianan den nos dieta diario, pero nunka e por supstituí un alimentashon korekto i balansá.
Suplementonan (vitamina) no ta supstituí un kuminda
wèpsait ta mira loke bo ta tek
480