Konsumidó Alertá Volumen 39 Yanuari 2018 | Page 19

BO SALÚ

Humamentu i alkohòl

13% di e esnan ku a partisipá den e enkuesta nashonal di salú aki a indiká di ta huma tabako (de bes en kuando); 18% no ta huma, pero tin kontakto di sigaria den kas. Pa loke ta uzo di alkohòl, 58% ta bebe alkohòl (de bes en kuando); 4% diariamente; 4% ta bebe di mas (hòmber 21 glas pa siman, muhé 14 glas pa siman). 5% total ta bebedó pisá (hòmber 6 glas o mas pa dia, muhé 5 glas o mas pa dia).

Kambionan kompará ku 2013

Den 2017 mas hende ta mira nan salú (mas) malu (5% vs 2%) kompará ku 2013. Kompará ku 2013 speshalmente raportahe di síntoma di malesa transmití pa sangura a subi di 0.8% den 24%.

Komparashon internashonal

Diferensha den sifra di salú ku otro islanan por parte ta reflehá diferenshanan den preparashon, i kon por keda kla ku entrada. Pero tambe implementashon di maneho i preferensha kultural di un isla. E profil di salú di Korsou ta algu mas favorabel ku habitantenan di otro islanan den Karibe i Hulanda. Kompará ku otro islanan, Kòrsou tin ménos hende bou di peso. E kantidat di hendenan ku peso di mas (%) ta mas haltu ku Hulanda, tambe kompará ku otro islanan. Preshon haltu, diabétis ta algu mas haltu na Kòrsou ku Hulanda. Problema ku lomba ta muchu mas tantu. A yega di wak muchu mas hende muhé pa skrinin di ‘kanser na boka di matris’ ku riba otro islanan.

Konklushon di mas importante

Adultonan na Kòrsou ta sinti nan mes en general salú. Esaki ta pa di dos biaha i ku nan por konta ku bon relashon den nan ambiente. Tin ménos usa di alkohòl, tabako i keho di depreshon na Kòrsou kompara ku Hulanda. Kasi tur hende tin seguro pa malesa. E puntuashon ta un promedio di 7.9 pa kuido di dòkter di kas, speshalista, dentista i fysioterapista. Yudansa di emergensha a bai dilanti kompará ku 2013.

E bista positivo aki no ta konta pa e totalidat. Kome fruta i berdura no ta sufisiente i ta konsumi basta refresko. Ménos diabétiko a kontrolá preventivo pa wowo i pia. E grupo mas abou ta keda mester di mas atenshon.

Pa mira e rapòrt kompletu: klek aki! http://vic.cw/eid/2055