KOMPARÁ I KUMPRA
Excellence & Difference Caribbean ( Xn’D Caribbean) ta 6 aña establesé na Kòrsou. Nan ta spesialisá riba e tereno di ICT I Network pa empresa nan lokal i internashonal. Pa Xn’D Caribbean, siguridat di informashon (Data) i e kontinuidat di e empresa ta di suma importansia.
E siguiente artíkulo ta skibí pa Xn’D Caribbean. Disfrutá di dje.
Bo ta konsiente di kuantu informashon privá bo ta eksponé diariamente ?
E ironia ta ku nos ta bisa ku nos ta hopi kouteloso ku nos datonan personal, pero si nos ta asina kouteloso, pakiko nos mes ta eksponé nos informashonnan personal asina fásil riba medionan sosial ?
Kuentanan sosial manera Facebook, Twitter, Instagram etc. ta un tesoro yená ku informashonnan personal inkluyendo fecha di nasementu, edukashon, relashonnan familiar i potrètnan personal. Mas informashon personal bo kompartí, mas riesgo bo ta kore ku e kuenta sosial por wòrdu di ‘hack’.
Pensa promé bo kompartí informashon òf klek riba un link. Mas i mas kriminalnan sibernétiko ta subi plataformanan di medionan sosial en buska di mas víktima. Esaki ta algu ku ta afektando tur pais na mundu. Dus si bo ta pensa ku bo ta biba riba un Isla chikitu i esaki no ta un preokupashon pa bo, mi ke informá bo ku bo ta ekiboká.
Kriminalnan sibernétiko ta hopi aktivo riba medionan sosial. Di e forma aki nan por distribuí vírus via di kampañanan yama ‘phising’. E forma mas fásil ku nan ta hasi esaki ta dor di pidi e usuario kopia e informashon i distribuí esaki pa su amistatnan riba Facebook, kual tambe ta pidi amistatnan ei pa hasi mesun kos. Di e forma aki e ‘hacker’ ta logra akumulá informashon di tur e víktimanan i fásilmente ‘hijack’ e kuentanan sosial.
Un forma fásil tambe ku e kriminalnan sibernétiko ta logra haña bo informashon personal ta dor di laga bo klik i bishita un website falsu sin ku bo ripara. Den e website falsu aki bo ta yená bo informashon pa por ehèmpel ‘login’, laga bo kere ku bo ta den e website original. Di e forma aki nan ta logra haña bo datonan.
Konseho: Si bo tin informashon konfidensial òf imágennan (potrèt) personal kual bo no ke pa wòrdu distribuí, tene kuenta ku na e momento ku bo pasa e informashon aki pa un persona òf kompartí e informashon aki, ya kaba bo ta kore e riesgo ku esaki por wòrdu distribuí riba retnan sosial. Paga tinu ora bo bishita un website ku semper tin https i e adrès korekto den bo browser.
Valerie van der Veen
X’nD Caribbean B.V.
Hoogstraat 18
5999-6630305
Informashon Personal
Riba Media Sosial