E produkto ‘Molux 5050 Primer LF’ tambe tin un diferensia di preis notabel na algun establesimentu. Por ehèmpel na Big Smile Printing un galòn di e produkto aki ta kosta fl. 70.71, mientras ku na Building Depot esaki ta kosta fl. 83.50. Esaki ta un diferensia di fl. 12.79.
Bo tin pensá di fèrf bo kas?
Fundashon pa Konsumidó ta invitá bo pa tira un bista riba e tabèl di komparashon di preis. Evaluá e preisnan bon promé ku tuma e desishon pa kumpra. Di e manera aki abo komo konsumidó por hasi un kompra konsiente i responsabel. Pa mas informashon tokante di komparashon di preis di fèrf aki òf kualke otro informashon relashoná ku derechinan di konsumidó, por bishitá nos wèpsait www.fundashonpakonsumido.org òf bèl nos na 462-6666.
KOMPARASHON DI PREIS
DI FERF