KOMPARÁ I KUMPRA
Nos ta den temporada di fin di aña I Karnaval tambe ta djis tras di porta. Esakinan ta e dos Temporada ku mayoria di nos ta kuminsa remodelá nos kas i krea diseñonan pa e dianan di fiesta aki. Ku esaki den mente, Fundashon pa Konsumidó a hasi un komparashon di preis di fèrf na 7 diferente establesimentu ku ta bende fèrf aki na Kòrsou i a kompará preis di 170 produkto. E establesimentunan ku a forma parti di e komparashon di preis aki ta Kooyman Group, Gomez Enterprises, Marchena Hardware, Building Depot, Big Smile Printing, Pinturaso UNO i Antilliaanse Verffabriek.
Ta bon pa menshoná ku Fundashon pa Konsumidó a anotá prèis di e markanan ku bo por haña na más ku 1 establesimentu i tambe marka propio (eigenmerk). Ku e komparashon di preis aki nos ke fasilitá nos konsumidónan i asina duna un mihó bista di e produktonan di fèf riba merkado.
Esun mihó surtí
For di 170 produktonan ku a keda pre selektá, Kooyman tin un kantidat di 71 produkto. Kual ta hasi Kooyman e establesimentu mihó surtí. E di dos establesimentu ku mas produkto a resultá AVF, kual tatin 46 produkto di e 170 ku a keda pre selektá. Gomez Enterprises a resultá na di tres luga ku un kantidat di 39 produkto.
Diferensia di preis
E tres establesimentunan ariba menshoná ta esunnan ku ta bende marka propio. A base di e komparashon di preis di fèrf, a konstatá un diferensia grandi di preis den e marka di fèrf AVF na algun establesimentu. Por ehèmpel un galòn di Comotex Interior Exterior di koló ta kosta na Big Smile Printing fl. 41.85. Sinembargo esaki ta kosta fl. 58.95 na Pinturas UNO. Esaki ta un diferensia di preis di fl. 17.10.