INTERMEDIO
LENKNAN STRAÑO
No klek riba lenknan straño o ku bo no ta konfia. Tin un diferensia entre un lenk riba un paginá wèp ku bo mes a bai bishitá òf un lenk ku ta keda presentá na bo ku bo no a pidi pe, por ehempel propaganda. Tin propaganda riba internet ku tin un lenk ku ta mandabo riba un website maligno.
WÈPSAITNAN NOBO
No kumpra kos riba paginanan wèp ku bo no tatin ekperensia ku ne anteriormente. Hopi tienda online ta habri den e temporada aki. Esei riba su mes ta algu bon, pero tin di nan ku no ta di buena fé. Bo no sa sigur si bo ta hanja bo merkansia.
PROTEKSHON
Wak semper te ariba riba e pagina wèp si bo ta mira un slòt bèrde será. Esaki kiermen ku e paginá wèp aki ta protehá bo informashonnan finansiero ku nan ta risibí di bo.
PALABRA KLAVE
Kuida e palabra klave ku bo ta usa pa subi e paginá wèp kune. Manera CARICERT a splika den edishonnan anterior di e revista aki, sòru pa bo palabra klave semper ta fuerte, pues konsistí di un kombinashon di lèter, sifra i otro símbolonan. Nunka usa nòmbernan di miembronan di bo famia, o di bo outo o kachónan komo palabra klave.
KARCHI DI KREDITO ÒF KREDITO PRE PAGO
Preferibel ora bo ta kumpra online pa hasi uso di un Credit Card i mas mihó opshon un “Prepaid credit card”, kual bo ta pone un montante limitá ku abo ta desea riba dje, ya si algu bai robes, no ta henter bo montante di bo Credit Card a keda di “scam” i blokiá.
KONTROL DIARIO
Den e dianan aki, kontrolá bo kuenta di banko i di bo Credit Card diariamente o mas tantu ku ta posibel i warda bo pruebanan di loke si bo a kumpra i no a kumpra.
PROTEKSHON DI PRIVASIDAT
No yena bo informashon personal riba tur sorto di pagina. Sigur no, ora direpiente bo haña un bentana ta pidibo bo informashon personal. No sintibo obligá pa yena informashon ku bo no ke yena, pa protehá bo privasidat.