Pa Flow ku su pakete Basic bo ta paga ANG. 83.20 pa luna i bo ta risibí 88 video kanal, 35 HD kanal, 7 kanal di radio, 50 oudio kanal, 10 hours of built in Cloud Video Recording Storage & VOD Functionality. Serka Flow bo tin un open kontrakt ku 1 luna di tempu pa terminá e kontrakt i bo ta paga adelantá.
Por último ta Tres Network ku su pakete Digital Basic. Pa e pakete aki bo ta paga ANG 73.14 pa luna i bo ta risibí 79 kanal i bo por kis ku bo ke 1 aña di kontrakt ku 1 luna di tempu pa termina e kontrakt òf open kontrakt ku 2 luna di tempu pa terminá e kontrakt. Serka Flow e konsumidó mester paga ANG. 95.00 pa instalashon i ANG 100.00 depósito. E depósito aki ta konta pa kubri e lastu luna di e servisio. Aki si e konsumidó ta paga despues di a risibí e servisio. Esei ta nifiká ku pa Tres Network bo mester paga e promé luna 95,- mas 100,- mas 73,14 ta un total di 268.14 florin.
Diversifikashon di pakete
3 di e 4 kompanianan ta ofresé den nan pakete básiko e kanalnan lokal. Directv so no ta ofresé e kanalnan lokal ku ta TeleCuraçao, CBA Television ni TV Direct. Tampoko bo ta haña e kanalnan hulandes por manera Nederland 1, 2 i 3 ni kanalnan spaño manera Venevision i Televen. Serka tur e 4 kompanianan konsumidónan ta haña kanalnan popular merikano manera FOX, NBC i CNN.
Ku esaki Fundashon pa Konsumidó ta spera ku e informashon aki ta di gran balor pa e konsumidónan ku ke kambia di kompania òf ku bai hasi uso di un di e pakete di televishon digital.
Tira un bista riba e tabel riba nos 'website' www.fundashonpakonsumido.org