Konsumidó Alertá Volumen 37 novèmber/dezèmber 2017 | Page 10

Balor di un

Rekuperá bo kontraseña pa wèpsait òf servisio onlain

Awendia un kontraseña ku nos ta usa riba internèt ta mesun importante ku un yabi di kas. E ta duna akseso na un gran kantidat di servisionan onlain, manera imeil, tiendanan digital i otro wèpsaitnan. P’esei ta importante pa sa, kon por rekuperá un kontraseña den kaso ku esaki pèrdè. Tin sinku (5) pasonan menshoná den e artíkulo aki ku ta yuda rekuperá un kontraseña ku a pèrdè.

E promé paso ta semper sòru pa e servisio onlain tin un imeil adrès bálido di bo pa por komuniká ku bo. Esaki nos ta yama un “recovery e-mail”. Ta rekomendabel pues pa semper kòrda yena un “recovery e-mail” pa servisionan onlain. Esaki ta esensial den e evento ku a pèrdè e kontraseña pa subi kualke un di e servisionan onlain menshoná.