Aña 2017 a keda marká komo e aña den kua nos a konosé riba Kòrsou diferente kaso di karni kuestionabel na diferente supermerkado i importadó. Hopi tabata e diskushonnan i hasta demostrashonnan di malkontentu i inkietut seka nos konsumidónan. Hopi tambe tabata e diskushonnan tokante e kalidat i ekshihensianan pa ku karni ku ta keda bendí riba nos isla. Un kos sigur ku a keda demostrá pa e departamentu di Asuntonan vetirinario ta, ku e alegashon di parti di komersio ku no a duna informashon konkreto i konsiso di kiko sí i nò mester keda stipulá riba etikèt di karni ta unu eroneo.
Fundashon pa Konsumidó ta den poseshon di diferente dokumento ku ta mustra ku den transkurso di añanan i pa medio di kartanan i hasta seshonnan informativo a duna tur ku tabata interesá splikashonnan ekstenso di kiko kada ken ku ta produsi, bende òf rebende karni mester tene nan mes na dje. Den e edishon aki di Imposibel nos ta bai elaborá riba e eksigensianan pa etikèt di karni
Servisio Veterinario na diferente okashon a duna splikashon na tur esnan envolbí sea ta importadó òf rebendedó ki ta e eksihenshanan pa etiketá karni, ku tur spesifikashon nesesario. E eskihenshanan aki ta lo siguiente;
Idioma
E idioma di e etikèt mester ta un di e siguiente lenganan: Ingles, Hulandes, Papiamentu òf un kobinashon di e lenganan.
Informashon
E siguiente informashon ta obligatorio pa ta poné riba e etikèt:
1. Si e produkto ta fresku, kongelá òf dekongelá;
2. E tipo di animal;
3. Tipo di karni;
4. Fecha di produkshon;
5. País di origen;
6. Fecha di (re)empaketashon (Pack Date);
7. Fecha di ékspirashon;
8. Kondishon di warda na grado selsio (˚C);
9. Preis pa kilo, peso i preis total;
Diferensha den produkto
E estado di e karni ta keda denominá i kategorisá di e sigueinte forma:
1.Chilled individueel verpakt uit Fabriek (CF)
2.Frozen individueel verpakt uit Fabriek (FF)
3.Frozen Bulk ingekocht (FB)
4.Chilled Bulk ingekocht (CB)
5.Previously Frozen Bulk
6.Lokaal geslacht vee (LOCAL)
7.Gehakt
EKSIGENSIANAN DI ETIKÈT DI KARNI