Shòp around
Si tòg bo ta pensando pa hasi un fiansa, informá bo mes bon kiko e diferente bankonan su kondishonnan pa i di un fiansa ta, pa bo por evaluá kua banko ta kumbiní mas pa fia serka dje.
Fia ku un meta
Si ta echt bo mester hasi un fiansa, anto fia ku un meta. Ku esaki nos kier men fia pa algu ku bo ta mira despues pa kiko bo ta pagando. Por ehèmpel fia pa kumpra un outo, drecha algu na bo kas, traha un pisina.
Hasi bo hùiswèrk
Si bo ta pensando pa hasi un fiansa, presupuestá esaki den bo gastunan di luna. Esaki bo ta hasié dor di kalkulá di forma simpel kuantu e montante ku bo kier fia, lo por kostabo pa luna. E ora ei chèk wak si ainda lo bo por kumpli ku obligashonnan di tur luna, ku e entrada aktual ku bo tin. Si bo ta sobra espasio pa hinka e montante èkstra ei tambe aden, básikamente esei ta nifiká ku bo por spar e montante ei tur luna tambe. Puntra bo mes e ora ei: E fiansa ta kos urgente òf mi por spar e montante di e fiansa i fia mi mes e sèn, aki un par di luna? Pensa sabí!
Spar tur luna
Siña mira e montante ku bo kier spar, komo un gastu di tur luna. Hasié un gastu prinsipal huntu ku bo awa, lus, gasolin. No pone komo último sino nunka e ta yega na bùrt.
DEN CHIKÍ