Konsumidó Alertá Volumen 36 òktober 2017 | Page 15

Na ki momentu bo ta skohe pa un seguro di biahe kontinuo òf un seguro riba término kòrtiku?

E eskoho pa un seguro di biahe termino kòrtiku of kontinuo ta depende kuantu dia di fakansi pa ana:

• pa un famia ku ta bai ku fakansi dos

siman pa aña, hopi biaha un seguro di

biahe

kontinuo ta sali mas barata.

• pa un pareha sin yu ta bira

kumbiniente ta tuma un seguro

kontinuo despues di mas o ménos di

tres siman.

• pa un soltero un seguro di biahe

kontinuo lo ta ideal si bo ta bai ku

fakansi tres te kuater siman pa aña.

E periodonan aki no tin mester ta kontinuo. E bentaha di un seguro kontinuo ta ku si un biahe sali den pura den wikènt tambe bo ta sigurá.

Prima pa un seguro riba término kòrtiku

E prima riba un seguro di biahe kòrtiku ta basá riba kantidat di dianan di fakansi, kantidat di persona i si bo ke otro koberturanan ku e kompania ta ofresé.

Seguro èkstra no tia nesesario pa kasonan ku bo por ehèmpel tin ku bini kas bèk i esaki no ta konsekuensia di un akshon intenshonal òf negligensia di bo parti. Bo ta keda sigurá te na momentu ku bo bini kas. E preis pa un seguro di biahe sin limitashon ta mas karu ku e seguro ku limitashon.

Unda mi por haña un seguro di biahe ?

• Un seguro di biahe ta optenibel na :

• Un agensia di biahe;

• Riba wèpsait di un organisashon di

biahe;

• Via un asesor finansiero;

• Online serka un kompania di seguro.

Un agensia di biahe ta ofresé solamente un seguro di biahe di un kompania di seguro. E agensia di biahe lo no kompará e preisnan di e diferente kompanianan di seguro. Bo tin un seguro di biahe asina bo kumpra un pasashi online via un agensia di biahe. No ta un obligashon pa tuma un seguro di biahe mesora ora bo kumpra bo pasashi di biahe. Bo por asta kumpra bo seguro di biahe un dia promé ku bo fecha di salida. Despues di kumpra bo pasashi e konsumidó tin 7 pa 14 dia pa tuma un seguro di anulashon.

Gastunan no premirá

Gastunan no premirá ta e parti di mas importante di un seguro di biahe. E ta kubri por ehèmpel gastunan si e biahe wòrdu kanselá, gastu di búskeda, gastu di telekomunikashon i gastu pa trasladá restu mortal. Tambe gastunan di hende ku ta ousiliá ta wòrdu kubri. Esaki ta konta tambe pa dia èkstra ku bo tin ku keda den un un hospital. E chèns pa esakinan sosodé no ta grandi, pero si e sosodé, e gastunan por akumulá konsiderablemente. Pues ta hopi bon si e asegurado tin e módulo aki den su pakete. Tambe ta importante p’abo pidi mas ku tres oferta promé ku bo sera un seguro, kada agensia di biahe ta ofresé diferente kobertura òf algun asegurado no tin e módulo den pakete.

Anulashon di seguro di biahe

Un seguro di anulashon ta diferente ku e seguro di biahe. E seguro di anulashon ta optenibel na tur kompania di seguro. Bo gastunan di bo pólisa lo ta mas rasonabel si bo kumpra e seguro di biahe i e seguro di anulashon huntu. Un seguro di anulashon ta ofresé e kobertura si bo biahe no ta sigui òf ku bo tin ku kansel’é. Por ehèmpel dor di malesa òf morto di un famia serkano òf embaraso ta motibu fundamental pa kanselá un biahe. Bo ta haña bo suma di sèn kompletu òf parti di e sèn bek. Esun ku no ta gasta hopi na un biahe, por konsiderá pa e mes karga ku e rísiko nan. Si ta un biahe karu i largu ta rekomendabel pa sera un seguro di anulashon i preferibel ku un kobertura haltu.