INTERMEDIO
Ta p’esei internashonalmente diferente inisiativa a kedá lantá pa yuda e usuario online protehá su mes. Esaki ta konta for di e usuario ku ta djis shòp online te ku esun ku ta un gran tékniko. Un di e inisiativanan internashonal aki ta esun di STOP.THINK.CONNECT. ku a lansa un kampaña grandioso pa konsientisá komunidat henter di e peligernan riba Internet i kua medidanan pa tuma. Meta di STOP.THINK.CONNECT ta pa hasi Internet mas safe pa nos tur.
Luna di òktober internashonalmente a ser proklamá kome e luna di seguridat sibernétiko, pues ta luna pa traha riba konsientisashon di riesgonan riba Internet. CARICERT komo partner di STOP.THINK.CONNECT. lo promové e kampaña di STOP.THINK. CONNECT.
Krímen Sibernétiko (na Ingles Cybercrime) ta ora un malechor ta hasi uso di Internet pa kometé un krímen online. Asina tin diferente forma di krímen sibernetiko manera: hòrta identidat, froude finansiero, molèsternan online, tentamentu online, kibra drenta den otro su kòmpiuter (na ingles hacking).
Tur dia teknologia ta sigui avansá i ta ofresé nos hopi sorto di servisionan online. Segun servisionan online ta oumentá, nos ta ripará ku e teknologia ta bira mas kompliká tambe. Esaki su konsekuensia ta ku hopi usuario no ta komprondé e teknologia tras di e kòmpiuter i esaki ta hasi nan vulnerabel. E uso di Internet i kòmpiuter tin hopi mas riesgo ku nos mes ta mira i por kere. Pa e motibunan aki ta nesesario pa konsientisá tur usuario kon protehá nan mes ora nan ta riba Internet i ta hasi uso di servisionan online.
luna di seguridat sibernétiko
Òktober ta:
Bureau Telecommunicatie en Post su departamento di seguridat kual ta CARICERT (Caribbbean Cyber Emergency Response Team) for di 2015 ta
ofisialmente partner di STOP.THINK.CONNECT.