INTERMEDIO
Mal uso di posishon di poder
Un negoshi ku tin un posishon fuerte riba un merkado kompará ku su kompetidónan por hasi mal uso di e poder aki i asina desrumpí e merkado kompetitivo liber. E posishon di negoshi por ta asina fuerte ku e por imponé su boluntat riba kompetidónan, rebendedónan i kumpradónan. Esaki por kondusí na preisnan eksaheradamente haltu, kalidat inferior di produkto- iservisionan i ménos inovashon. Mal uso di posishon di poder tambe por stroba otro kompanianan di subi un merkado spesífiko. Pa kontrarestá esaki e lei di kompetensia ta prohibí pa kompanianan hasi mal uso di nan posishon di poder.
Na ki momentu nos ta papia di posishon di poder?
Un negoshi tin un posishon di poder na momentu ku e tin 60% òf mas di merkado den su man. Na un porsentahe mas abou tambe un kompania por tin un posishon di poder. Esaki ta dependé di e posishon di su kompetidó i e posibilidat pa otro negoshi subi merkado. Tene na kuenta ku e echo di ta den un posishon di poder no ta ilegal. Pero si tin reglanan mas stringente ta konta pa kompanianan den e posishon aki.
Un kompania ku tin un posishon di poder por hasi mal uso di esaki dor di por ehèmpel:
• Prohibí rebendedónan pa hasi negoshi ku otro
bendedó (eksklusividat);
• Obligá rebendedónan pa kumpra un produkto deseá
den kombinashon ku un otro produkto (kòpel benta);
• Kobra preisnan ekstremamente haltu;
• Apliká términonan di benta inrazonabel;
• Ekskluí rebendedónan di benta siendo e no tin
alternativa pa kumpra;
• Kobra diferente preis pa e mesun prestashon ku e meta
pa limitá kompetensha;
• Baha preisnan temporalmente pa asina saka kompetidó
for di merkado.
E prohibishon di hasi mal uso di posishon di poder ta konta pa tur kompania ku ta den e posishon aki. No ta ekskluí niun tipo di kompania. Kompania di gobièrnu, asosiashonnan di komersiantenan ku aktividat ekonómiko, e regla ta konta den tur sektor.
Kiko ta e sanshonnan?
FTAC por imponé instrukshonnan riba kompanianan ku un posishon di poder. Un instrukshon no ta un sanshon, mas bien e ta un instrukshon pa kon e kompania mester komportá su mes riba e merkado pa prevení mal uso di poder. Un ehèmpel di un instrukshon ta un obligashon pa e kompania bende su produktonan bou di kondishonnan razonabel. Den kasonan agudo òf di urgensia FTAC por disidí di imponé medidanan preventivo riba un kompania. Den kaso di violashon di un instrukshon i di medidanan preventivo FTAC por imponé multanan te ku 10% di e volúmen anual di e kompania. Desishonnan di sanshon di FTAC lo keda publiká riba e wèpsait di FTAC www.ftac.cw.