ROLL OVER
E sektor di telekomunikashon rònt mundu ta unu sumamente kompetitivo i kompanianan di telekomunikashon ta konstantemente kambiando nan kondishonnan di servisio pa diferente motibu. Un di e motibu mas importante hopi biaha ta pa ta un stap dilanti di kompetidónan i asina ofresé e konsumidó un produkto mas atraktivo i asina gana e konsumidó komo kliente i mara su sèn i pòtmòni na bo servisio i kompania. Otro motibunan por ta pa traha komo kompania di manera mas efektivo òf pa baha gastunan di operashon pa asina e kompania por sobrebibí.
Último tempu e dos kompanianan ku ta ofresé servisio di telefòn selular huntu ku data na Kòrsou, UTS i Digicel, a adaptá nan kondishonnan di servisio selular di telefòn i data. Den pasado Fundashon pa Konsumidó a risibí por ehèmpel kehonan tokante durashon di e periodo di aktividat di un karchi di telefòn, gastu di data ku ta kita for di krédito di yamada i krédito di yamada ku ta kaba muchu lihé. A base di e tipo di kehonan aki Fundashon pa Konsumidó a papia den pasado ku e kompania en kuestion pa atendé ku trènt di keho i pa wak kon pa drecha esakinan di un forma struktural. Bo ta spera tambe ku a base di e liña kòrá di keho, kompanianan di telekomunikashon ta adaptá nan servisio i kondishonnan di benta pa asina komplasé e kliente kumpradó.
Despues di e adaptashonnan di e último lunanan di kondishonnan general di, espesialmente kondishonnan di servisio di telefòn i data prepago, nos por saka afó ku e dos kompanianan ta tumando un rumbo diferente. Kaminda Digicel ta mehorando su kondishonnan i ofresé su klientela e posibilidat pa ‘roll over’ i keda ku su krédito di telefòn i data, UTS ta tumando un otro direkshon limitando e periodo di aktividat di un karchi di telefòn i tambe imponiendo ku su klientenan ta pèrdè nan krédito di number prepago si e number no ta aktivo mas.
Segun datonan di Bureau Telecommunicatie, Post & Utiliteiten (BTP&U), kada kompania di telekomunikashon mester paga un suma di fl. 6,00 pa luna pa kada konekshon di SIM selular ku e kompania tin aktivo. Esaki a base di e Ministeriele Beschikking di 24 di yüli 2008 ku ta ehersé artíkulo 2, insiso 3 i 31 di e Landsverordening op de telecommunicatievoorzieningen. E dekreto ministerial aki ta regulá tarifanan den e sektor di telekomunikashon. Ku esaki den nos mente nos por konkluí ku un kompania di telekomunikashon lo ke limitá e kantidat di number di telefòn no rendabel den su bukinan pa asina por ekonomisá riba tarifanan di BTP&U.
Sea kual sea e motibunan pa desishonnan di kompanianan Fundashon pa Konsumidó tei pa protehá i mehorá e posishon di abo konsumidó. Si awor nos hasi un komparashon for di e punto di bista di e konsumidó, no por dedusí ku e diferensianan ta birando mas i mas grandi den e kondishonnan di e dos kompania. Digicel ta hasiendo posibel pa e konsumidó bai ofer ku su krédito prepago i hasiendo e kompania mas atraktivo i faborabel pa gana konfiansa i plaka di e konsumidó. UTS di un otro un banda ta bayendo den direkshon kontrali i, dor di limitashonnan nobo de su kondishonnan ta hasiendo su mes mas inatraktivo pa e konsumidó kumpradó, sigur den e sekshon de telefòn i data prepago.
Produktonan di konsumo ta produktonan esensial pa kada un di nos. Sin kuminda, nos no por biba!
No opstante di esaki, hopi biaha nos no ta para ketu na kiko realmente nos ta kome òf bebe. Nos ta asumí ku pasombra un produkto ta den rèki, sea den un supermerkado òf den tienda, e mester ta bon ainda pa konsumo. Sinembargo, nos no ta para ketu ku produktonan den nos era moderno ta wòrdu produsí i bendí na kantidatnan grandi i por sosedé ku produktonan por ehèmpel ta keda para pa un periodo largu den rèki promé ku abo hink’é den bo garoshi òf makutu.
VS
IRREVERSIBLY
FORFEITED
Nèt promé ku emishon di e edishon aki di Konsumidó Alertá, UTS a anunsiá ku, den luna di òktober, e kompania aki tambe lo introdusí e asina yamá “data roll over” ku ta nifiká ku e kantidat di data restante ta keda bálido den e siguiente luna na momentu ku un kliente re-aktivá su pakete di data. Tambe UTS a saka un komunikado anunsiando ku lo posponé e kambionan di limitashon di e siklo di bida di Chippie Prepaid. UTS ta duna komo motibu e diskushonnan ku a surgi riba ret sosial tokante di e tópiko aki i e konfushon i mal informashon ku ta reina al respekto.