NOTISIA
MEO tin 100% sosten
di Fundashon pa Konsumidó
SKIMMING
Den e lastu tempunan aki, skimming a bolbe lanta kabes aki na Kòrsou. Skimming ta e denominashon pa e akshon kriminal i froudulento, den kual kriminalnan ta kopia e asina yamá ‘magneetstrip’ di bo karchi di banko, dunando nan akseso na bo kódigo sekreto. Esaki nan ta hasié di un manera masha ingenioso dor di instalá un aparato chikí riba mashinnan di plaka. Ku e informashon ku nan logra “hòrta” nan por traha un pas ku nan por usa kasi rònt mundu pa limpia un hende su kuenta di banko.
Resientemente agentenan polisial a detené un kantidat di 5 persona, den kual ta keda sospecha di ta praktiká skimming. A konfiská diferente karchi di banko i tambe plaka kèsh. Ta bon pa menshoná ku e personanan aki a keda detené na diferente ATM na Kòrsou, entre otro na Rio Canario, Winston Churchillweg i Gosieweg. Pues, por konkluí ku skimming a bolbe lanta kabes aki na Kòrsou i ku tur konsumidó mester ta alerta.
Aki algun informashon ku ta esensial pa prevení skimming.
• Si bo nota algu sospechoso den serkania di e
ATM mashin, òf si e mashin ta wanta bo
karchi sin un rason spesífiko, tuma kontakto
mesora ku bo banko. Si por, kanselá bo
karchi i pidi un otro.
• Skimmernan ta uza un plachi di number
falsu i pone esaki riba esun original. Pues,
promé ku bo hinka bo karchi, kontrolá e
plachi di number i wak si e ta esun original
.
• Si bo detektá algu ku ta otro for di normal
na e mashin, manera por ehèmpel un
aparato straño, komuniká esaki mesora na e
banko i no usa e ATM mashin ei por lo pronto
• Mèldu bo banko dirèkt si bo ripara ku bo tin
problema ku bo karchi di banko ora bo ta pen.
• Nunka aseptá yudansa di hende straño òf
papia ku hende straño tanten bo ta pen. Esaki
por ta un forma pa distraébo pa yega na bo
informashon.
!
A bolbe lanta kabes...