E sifra índise di preis pa konsumidó (CPI, “Consumer Price Index”) di Kòrsou na luna di mei 2017 a disminuí ku 0,3 porshento, esta di 125,4 na aprel pa 125,0 na mei.
Desaroyo di preis pa konsumidó durante e luna ku ta tras di lomba (mei 2017) a wòrdu karakterisá primeramente dor di un bahada sinifikante di tarifa (-6%) pa uso di elektrisidat. Na di dos lugá ta notabel ku preis di gasolin i diesel a baha signifikantemente ku respektivamente 2 i 4 porshento. E di tres kambio di preis ku mas a sobresalí ta bahada di preis di paña ku 1 porshento. Mas aleu, en general, e desaroyo di preis pa konsumidó tabata moderá òf asta stabil.
E CPI di mei 2017 (125,0) ta 1,9 porshento mas haltu ku e CPI di mei 2016, na kual momentu un CPI di 122,7 a wòrdu midí. E sifra aki (1,9%) ta indiká ku e nivel di preis pa konsumidó durante luna di mei 2017 tabata 1,9 porshento mas haltu kompará ku luna di mei 2016.
Si kompará e periodo di e último 12 luna te ku mei 2017 ku mes periodo promé ku esei, ta resultá ku preisnan na averahe a subi ku 0,7 porshento. Inflashon na Kòrsou na mei 2017 pues ta 0,7 porshento.
Over di e último 2 aña i piku (27 luna: mart 2015 te ku mei 2017) e desaroyo di preis pa konsumidó ta variá:
- Primeramente un periodo di inflashon ku
gradualmente ta bahando,
- Siguí pa un periodo di deflashon leve, finalmente
resultando durante
- E último mitar aña, den un periodo ku inisialmente
sero inflashon siguí pa un inflashon leve ku
gradualmente ta oumentando.
Esaki por dedusí for di datonan ku a ser publiká awe dor di Ofisina Sentral di Statistik (CBS). Pa un anális mas amplio por akudí riba website di CBS (www.cbs.cw) pa e “Boletin CPI Kòrsou mei 2017”.
Último simannan nos tur por a tuma nota ku e diferente departamentunan enkargá ku kontròl i kalidat di Ministerio di Asuntunan Ekonómiko i di GGD ta ehersiendo kontròlnan rutinario na diferente establesimentunan ku ta bende komestibel i kuminda prepará. E akshonnan aki por konta 100% ku nos apoyo i sosten mirando ku tur loke e tim multi-disiplinario ta hasi ta den kuadro di nan tareanan pa kontrolá ku tur establesimentu ta mantené su mes na reglanan stipulá.
Preisnan pa konsumidó na Kòrsou
Luna di Mei 2017